Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Mariae Theresiae imperatricis et regis
240 bus, vel aliis emere liceat; unde Magistratui et Physico civitatis incumbet, ut desuper invigilent, et praecipue sub visitationibus in id inquirant, unde quivis pharmacopaeus mitridatium et theriacam habeat, sin autem quis eorum non edocuerit, quod legitimo modo praeparata sit, sed nec sufficiens desuper testimonium praebuerit, quod ejusmodi theriaca veneta, aut alia authentica sit, tali illico, utpote prohibitum pharmacum accipiatur et rejiciatur; praesens autem prohibitio illos non tangit, qui speciale vendendae theriacae et mitridatii ab Aula privilegium habent, quive hoc in passu fideles, ac conscientiosos viros semet exhibent, ita tamen si hi quoque authenticam, ac per Physicum civitatis rCvisam et approbatam theriacam et mitridatium semet habere edocuerint. Decimoquarto: Quisque pharmacopoeus in id incumbat, ut praecipuis, si non omnibus medicamentorum praeparationibus intersit, nec semper sodalibus conficienda relinquat, idcirco quantum fieri potest, a civilibus officiis sese liberet, ut pharmacopolio suo magis invigilare possit, si tamen unus, alterve pharmacopoeus ex ratione publici emolumenti in Officia civilia assumeretur, is idoneum, expertum, ac diligentem sodalem, cui pharmacopolium confidere possit, servare studeat. Decimoquinto: Etsi saluberrimam medicinam pro salute generis humani Deus creaverit, tamen experientia compertum est, quod ex quorundam malevolorum hominum abusu, mineralia praecipue, ac venenosa in quorundam mortalium interitum adhibeantur. Enim vero non raro, ope veneni, deliberata homicidia , multae porro ex negligentia inopinatae mortis historiae tum ex parte venenum vendentis, quam ementis acciderunt; ut itaque omni deinceps tempore 'venenosorum medicamentorum venditio cautissime peragatur, et sub certissima gravi poena quam optime venenosa custodiantur, ne quispiam vitae aut sanitatis periculum incurrat, ipsi pharmacopoei, aut ipsorum provisores venenata medicamenta mineralia et vegetabilia, ut arsenicum, napellum, pluraque similia, item ea, quae menses promovere possunt, dum, cum ab aprobato medicinae Doctore formulam, quam ille certis de causis ordinavit, ostendere nequeunt, bene abscondita, ac custodita servent; praeterea peculiarem trutinam ad haec unice, nequaquam vero ad alia usurpanda, ne nempe cuidam jactura accidat, adhibere studeant; porro hi summopere caveant, ne obviis sodalibus, multo minus inexpertis tyronibus haec confidant, aut vendenda committant; insuper in vendendo, personam ementis, praesertim cum mactandis muribus ac gliribus destinatum arsenicum, rarissime, non absque peculiari cautela et motivo emptoris patrifamilias porrigatur; qui autem sibi dari desiderat, accuratissime observent. Licet enim aurifabris, aliisque mechanicis arsenicalia, mercurialia, aliaque venenosa mineralia ad eorundem professionem necessario requisita, vendere liceat, eaque nonnunquam a medico ordinentur; tamen pharmacopoei causam cur? et ad quem usum ementi veneno opus sit? studio diligenter semper explorabunt, simulque, si emens suspectus esset, aut homo malevolus videretur, denegato, quod petitum erat veneno, ejus loci Magistratui peragendae inquisitionis causa notitiae dabunt, et non tantum in id incumbent et inquirent: quod emptoris sit nomen, seu ubi, et apud quem domicilium figat, cujus staturae, faciei et qualem vestitum gerat, verum insuper etiam, quale venenum? cujus quantitatis, quo fine illud, quo die et anno emerit, ordinario suo manuali libello, sive solutum aut insolutum sit, accurate inscribent eo fine, ut in omnem rei eventum necessaria inquisitio institui, reique veritas manifestari possit; porro haec omnia tenore eorum, quae in caesareis-regiisque generalibus mandatis continentur, et observanda pharmacopoeis peculiariter praescribuntur, intelligi debeant.
