Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Mariae Theresiae imperatricis et regis
196 Contagii traits Tibiscum notabilis extensio. Conci. Cons. die 13. Julii 1742. (Iri seq. M. R. ddtri 10. Julii 1742.) Provocative ad prius benignum mandatum sub 6. currentis in re sanitatis emanatum ulterius clementer committitur: quatenus percepta ex relatione Comitis Károlyi etiam Consilio huic submissa , contagiosi mali extensionem (utpote : in comitatibus trans Tibiscum sitis, et quidem Szatmariensi 5. Maramarossiensi 6. Ugocsensi 9. ac Bihariensi 11. loca antelato contagionis malo infecta jam haberi), omnis sollicita cura adhibeatur, ut accurata passuum in decursu Tibisci supra Tokainum habitorum, praeclusione, ex hac Tibisci parte siti Comitatus a praefato malo immunes praeserventur, sed et trans Tibiscum omnis hujus mali extensio antevertatur, et si e revisum fuerit, etiam in illis partihus subsistentes legionis Ballayrianae 3 centuriae , ad obtinendum praemissorum effectum adhibeantur; caeterum eo quoque reflectendum erit, ne ex pedestri nationali militia, quam infecti Comitatus statuendam adhuc habent, ulterior mali extensio et propagatio eveniat. 378. Penuria panis et loca infecta trans Tibiscum. Conci. Cons. die'27. et 28. Julii 1742. (In seq. M. R. ddto 23. Julii 1742.) 1. Materna Reginae sollicitudo ex benigno Rescripto ad Comitem Károlyi expedito / elucet. / Maria Theresia etc. Spectabilis ac Magnifice etc. Ex pluribus tam a Fidelitate vestra, quam et medio aliorum isthuc submissis relationibus dolenter sane percepimus: contagionis malum in Maramar osiensi ac Ugocsiensi comitatibus nimium invaluisse, ac grassari, sed et eo in Szathmariensi quoque, ac Bihariensi comitatibus aliquot loca infecta haberi; calamitates signanter in primo loco nominatis duobus comitatibus auctae fuerunt, inde, quod eorundem inhabitatores ingente laboraverint panis penuria, praecipue cum fuerint prohibiti, ne alio ad quaerendum panem excurrant. Hoc tamen in passu sublevari jam videntur dictorum comitatuum incolae, siquidem juxta nuper, die nempe 6-a currentis mensis a salis officialibus in Marmatia existentibus, ad Cameram nostram Aulicam datam relationem 2300 cubuli, quorum unus duas metretas Posonien- sis mensurae constitueret, frumenti, et 4000 ejusmodi cubuli hordei jam sint comparati, ac quoad talisinodi materialis advectionem, unice assistentia, et ma- nuductione fidelitatis vestrae opus esset; sed et ulterius calamitoso statui incolarum praefatorum comitatuum subvenire benignissime cupiamus; quemadmodum ea jam etiam dedissemus mandata, ut bis mille florenorumFidelitati vestrae numerentur, quibus farina pro antelatorum Maramarosiensis et Ugocsensis comitatuum inhabitatoribus comparari, ac inter eos pro exigentia majoris aut minoris necessitatis distribui possit. Et quia partibus in illis, contagionis nempe malo infectis, idem ex eo quoque exstingvi hactenus nequivisset, quod inibi non habuerint in hoc genere morbi peritos medicos et chirurgos; aderunt proxime medicus et quatuor chirurgi, quorum prior Szigethi in Marmatia mansurus, modo fatos chirurgos, quo necessarium videbitur destinandos et collocandos diriget. Cum porro illuc etiam reflectendum sit, ne per ratigeros salem ex Marmatia beneficio Tibisci Tokainum vehentes, comitatus regni Hungáriáé,per quos Tibiscus defluit, dicto malo ulterius inficiantur; exinde salinariis officialibus in Marmatia constitutis demandari jusserimus, ut habita eatenus mutua cum comitatensibus officialibus cointelligentia, pro devehendo sale tales, qui contagionis malo non sunt infecti, accipiant ratigeros, ac ii quoque in ejusmodi descensu, vel etiam reditu cum aliorum locorum incolis non se commisceant.
