Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Caroli VI. imperatoris et regis
148 rum officialium comitatensium informari, et ulteriores congruas dispositiones facere valeat. Unde Septimo: Ad praescitum publicum passum constitutus commissarius, ac alii officiales comitatenses curam conservandae sanitatis sibi commissam habentes , praetitulati domini Commissarii Regii dispositionibus obtemperare, easque citra moram effectuare, de specificis autem casibus illico informare, et in loco debito contumaciam subeuntium , vel eam explentium, sicque demum per memoratum passum commeantium personarum seriem, cum expressione loci: a quo, ad quem eidem hebdomadatim submittere debebunt. Octavo: Informationes quoad rem sanitatis in partibus tam ex hac, quam et altera Vagi parte sitis, a comitatibus et civitatibus, seu ad id delectis magi- stratualibus commissariis praenominatus dominus Comissarius Regius de tempore in tempus sibi exhiberi faciet, et omnes necessarias fine praecavendae contagionis dispositiones, ad effectum benignorum Caesareo-Regiorum mandatorum, et Consilii hujus Regii intimatorum tendentes indilate instituet, ac eas in debitum finem deduci curabit. Nono: Praeattactam lineam pro ratione indispensabilis necessitatis ipsémét quoque dominus Commissarius Regius in persona visitabit, et observatos nefors defectus instantanee suppleri curabit. Et quia Decimo: Repetitus dominus Commissarius Regius ommni conatu eo tendet , ut benignae ordinationes Caesareo-Regiae, et Consilii hujus intimationes in re sanitatis jam publicatae, aut deinceps publicandae in circulo praerecensito seu partibus cis- et trans-Vagum sitis, effective observentur; hinc in occurrentibus quibusvis casibus, materiam sanitatis quoquo modo concernentibus, idem dominus Commissarius Regius signanter praescripto benignarum regiarum Patentium sub 26. Augusti et 10. mensis Novembris anni praeteriti 1738 emanatarum semet conformabit. Undecimo: Mundationis ordinem a Sua Majestate SSma sub 10. Novembris anni 1738 communicatum, et per regnum publicatum pariter suis locis observari faciet. Prout et in materia navium beneficio Danubii ad exercitum Cae- sareo-Regium devectionis, et permutationis nautarum, secundum Patentes regias ab altefata Sua Majestate SSma sub dato 28. Aprilis anni currentis 1739 submissas et subsequenter sub 26. (29.) Maji etiam quoad partes hasce superiores, signanter in comitatu Comaromiensi observavi demandatas se diriget. Duodecimo: Solerter praeterea invigilabit, ut officiales, seu magistracies comitatuum personae in comitatibus, ubi officia gerunt, ad mentem benigni Suae Majestatis SSmae de dato 16. Decembris anni 1738 mandati, expost reiterati, absolute resideant, neque metu contagiosae luis officiis se abdicare, vel comitatu excedere attentent; nundinarum item celebratio, clementissima Caesareo-Regia 22. Maji anni currentis 1739 emanata resolutione, ob modernas epidémiáé luis circumstantias vetita, in his cis et trans Vagum sitis partibus nullibi admittatur. Non secus, ut pro casu erupturae contagionis ex dicta- mine benigni de 5. Decembris anni 1738 Suae Majestatis mandati, tam ipsi comitatenses et civitatenses magistratus in communi, quam et eorundem inhabitatores in particulari sibi de necessaria subsistentia in antecessum provideant, et concomitanter homines vagabundos, ac mendicos eliminent; prout et de medicis et chirurgis conformiter benigno de 14. Aprilis anni currentis 1739. Caesareo-Regio mandato in tempore sibi prospiciant, praefatus dominus Commissarius curabit: ut denique universa altefatae Suae Majestatis SSmae in re sanitatis per regnum publicata, aut publicanda benigna mandata, nec non expeditae, .aut expediendae per Consilium hocce Regiuin intimationes debito effectui mancipentur, sedulam habebit curam.
