Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Caroli VI. imperatoris et regis
149 Decimotertio: Tametsi quidem formula passualium literarum, benignis de 26. Augusti anni praeteriti 1738. Patentalibus regiis praescripta foret, quia nihilominus passim jam in abusum devenisse animadverteretur; hinc et hoc curabit praerepetitus dominus Commissarius Regius, ut in districtu trans Vagum sito, aeque ac in partibus cis Vagum existentibus non aliis, quam, qui pas- sualibus juxta tenorem Patentium puncti 8-vi instructi fuerint, de uno loco in alium transitus concedatur. Decimoquarto: In transgressores porro praerecensitarum salutarium dispositionum , secundum praeallegatas Patentes, prouti et in malitiosos celatores, occultatoresque contagionis mali, secundum posterius interventa Mandata pro rei gravitate per eos, quorum intererit, poenam inspecta solum et summa- riter cognita rei veritate decerni et exequi curare, praefatus dominus Commissarius Regius absolutam habebit activitatem. Decimoquinto: Si autem extraordinarius quipiam majoris momenti casus talis occurreret, qui ad benignas Caesareo-Regias dispositiones, et Consilii hujus intimationes reduci non posset, hujusmodi casum dominus Commissarius Regius Consilio huic Regio cum opinione sua illico repraesentabit, et abinde dispositionem eatenus exspectabit, si tamen res inoram pati non posset, interea etiam, donec talismodi dispositio superveniat, dominus Commissarius Regius provisionaliter necessarias faciet dispositiones. Decimosexto: Quod si vero locum alium praedeclaratae lineae ex hac Vagi parte viciniorem epidemico malo corripi contingeret, dispositis illico circa praeclusionem ejus, salutaribus mediis, et praecautionibus de retrahenda, et aliorsum ducenda linea, opinionem suam citra moram Consilio huic Regio perscribet. Decim septimo: Super omnibus denique dispositionibus, tam apud comitatus et civitates in partibus cis et trans Vagum sitis, quam ad praescitam lineam instituendis, sive illae jam elfectuatae fuerint, sive adhuc ab etlectu penderent, saepefatus dominus Commissarius Regius tam Suae Majestati SSmae medio ejusdem Cancellariae Regiae Hungarico-Aulicae, quam et Consilio huic Locumtenentiali Regio de posta in postam relationes suas submittet. Instructio pro Domino Joanne Comite Eszterházy de Galántha, S. Caesareae-Regiaeque Majestatis in hoc Regio Hungarico Locumtenentiali Consilio Consiliario, tanquam per altefatam Caeseream-Regiamque Majestatem in altera Danubii parte nimirum in comitatibus: Soproniensi, Mossoniensi, Jau- rinensi, Comaromiensi, Strigoniensi, Pestiensi, Albensi, Tolnensi, Bara- nyensi, Castriferrei, Szaladiensi, Siimeghiensi et Veszprimiensi — omni requisita authoritate praedito in rebus sanitatis constituto Commissario Regio. Primo: A summefata Caesarea-Regiaque Majestate clementer resoluto existente eo, ut ex praefata altera Danubii parte fluvius Rabus, veluti a finibus Styriae usque Jaurinum deflueret, ita etiam ad avertendum contagionis malum a partibus cis eundem fluvium sitis pro limite seu linea habeatur, et per praefatum fluvium non alii transitus pateant imposterum, quam ad Jaurinum, Árpás, Sárvár et Körmend, ac per hos quoque transitus non alii ad partes cis Rabum sitas admittantur, quam qui trans modofatum fluvium in uno locorum (de quibus inferius agetur) 42 dierum contumaciam rite ac debite expleverint; hinc dominus Comes tanquam in dicta altera Danubii parte omni requisita authoritate praeditus, praevioque modo constitutus in rebus sanitatis Commissarius Regius in gremium comitatuum, per quos saepefatus fluvius defluit, semet mox conferet, ac dominis vice-comitibus, aut aliis hoc fine deputandis magistratualibus personis antelatorum comitatuum praevio modo inter-
