Linzbauer, Franciscus Xav.: Codex Sanitario-Medicinalis Hungariae 3/1 (Budae, 1853)
Regimen Francisci I. imperatoris ac regis
788 * §. 9. Qui praestanda annua subsidia, ac interusuria spatio 4 hebdomadarum post defixum tempus haud depuraverit, tam jam depositis, quam etiam ipso fruendo beneficio frustrabitur. Qui tamen graviori infirmitate impeditus esset, ei aliquod respirium concedetur; pro tempore tamen prorogatae depurationis competens interusurium solvendum erit. §. 10. Radicalia capitalia ac subsidia supplementalia plene, ab influxuris autem annuis subsidiis, ac interusuriis supputata exinde Summa pro Pensionibus, ac Instituti administrationis expensis necessaria; remanens summa ad Regium Fundum Crediti Hungaricum erga 5 procento elocabuntur, ubi capitalia juxta altissimam Resolutionem Regiam erga nunc dicta interusuria acceptabuntur, donec nefors alii census altissiino loco defixi fuerint; pro hoc casu poterit Directio haec capitalia edicere, ac ad alium Fundum, aut in privatis securis locis elocare. §. 11. Quoad pensionis capacitatem pro commembris, eorumquc viduabus, et orphanis sequentia statuuntur: Haec commembra, etiamsi facultates et nefors ex alio fundo jam pensionem haberent, tum pensionem accipiunt, dum ob incurabilem valetudinem, fractas vires, aut provectam aetatem jam servire nequeunt, quod fidedignis comitatensium aut civitatensium Physicorum Testimoniis comprobandum est. Qui vero de allatis falsis testimoniis convinceretur, non saltem factas jam praestationes amittet, sed etiam obtentas jam pensionales ratas refundere cogetur. Regius Officialis pensionis aerarialis capax, ac ad privatum hoc Institutum accedens, utprimum ex parte Status publici pro accipienda pensione quali- ficatus agnitus fuerit, ipsoque facto etiam per hocce privatum Institutum sua providebitur pensione. Excipi tamen casus, si jubilatio non ob inhabilitatem, provectam aetatem, aut morbidum statum, sed ex aliis certis causis interveniat. Commembrorum quocunque tempore decedentium viduae etiamsi facultates, aut aliunde pensionem habeant, a die obitus mariti habita nihilominus ad, in immediate subsequo §-o explicatum intercalarem annum reflexione, pensionem competentem accipient; ita etiam utroque parente orbatae proles utriusque sexus pensionis rata, donec minores erunt; masculae quidem usque 20, sequioris vero sexus usque 18 annum, si prius stabilem provisionem non consequantur, gavisurae sunt. §. 12. Pensiones juxta incrementum radicalis capitatis augebuntur, et sequenti calculo emetientur, et quidem Primo Instituti et respective commembri incorporationis anno nulla pensio praestabitur; intra decursum autem 11 annorum a die accessus cujuslibet individui computandorum servire jam nequiens commembrum aut talis ejusdem vidua , cujus maritus necdum pensionista erat, percipiet. In I. Classe, in II. Classe Titulo pensionis annuae ...... 200 fl. 100 fl. Per decursum autem subsequorum 10 annorum . . 300 ,, 150 ,, Demum elapsis 21 annis ...... 400 „ 200 „ ultra dein pensione augeri nequeunte; orphanorum prolium utroque parente orbatarum si ultra quatuor iron sint, donec minores sunt, ac eousque in caelibatu persistunt, aliamque subsistentiam non habent, quaelibet quartam partem praeattactae pensionis obtinebit; si vero plures , quam 4 idmodi proles forent, illae alterutrius parentum integram pensionem eousque habebunt, donec tres minores proles residuae fuerunt, tunc singulae 4ta solum pars dictae pensionis dabitur. Privignae cujuspiam commembri proles pensionis incapaces sunt.
