Zeller, Carolus: De cephalaematomate (1822)

6o

utero matris orta sit. Sed tota delineatio nos dubitare non sinit, casum ejusdem cum eo, quem le Dran exhibuit, naturae fuisse. Tumor artibus dispellentibus dissolutus evanuit etc. — Porro adjicit, ipsi obstetricem inclytam narrasse, se ejusmodi tumores pluries et semel duos simul singulos in singulis ossibus verticis vidisse , ac suadente medico spiritu caeruleo sanasse. In fine dissertationis, ubi aliud tumoris sanguinei os verticis dextrum occupantis exemplum describit, le Dranii casum non herniam cerebri, verum speciem hydrocephali externi, vel aneurysma spurium, vel etiam ecchymosin fuisse contendit 1"i).

Ben jam. Gooch multa artis peritia de sanguineis cranii tumoribus agit, quorum originem partui difficiliori adscribit et quos scalpello aperire jubet. Interim usum discutiendum et adstringentium fomentorum non plane rejicit 14 15 16).

Celeberrimus ille Levret in disquisitione: « Suite des observations sur les soins quexigent les enfans qui viennent de naitreÄ 16) etc. etiam de tumoribus sanguineis agit, atque eorum cognitionem a Petito seniori se accepisse, grato animo profitetur. Patet ex

14) Siebente Sammlung seiner med. und chir. Anmerkungen. Beil. 1760. p. 4g.

15) A practical Treatise on wounds and other chirurgical subjects etc. Vol. I. Norwig 1767.

16) Journ. de mód. chir. etc. 1772. T. 37. p. 410-