Zeller, Carolus: De cephalaematomate (1822)
4o Duobus vel tribus a partu infantuli post diebus in bregmate dextro secundum suturae sagittalis decursum apparuit intumescentia illi, quam caput succedaneum vocant, subsimilis, sensum elasticitatis et fluctuationis digitis exploratoriis exhibens, cutis color a naturali non differebat. Plures per dies tentavit Professor * * resolutionem fomentationibus discu- tientibus ex herbis aromaticis, imo vel vinosis; nec vero adsecutus est finem sibi propositum. Tandem de natura tumoris certior sequente emisit sanguinem methodo: cultro chirurgico tumorem ex longitudine ipse dissecuit, et ex vulnere sat magno sanguis ater, jamjam grumosus profluxit. Exploratio instrumentális cariem quidem non detexit; nihilominus Prof. ° * prognosin formavit valde ancipitem. Tumorem exoneratum linteis carptis prope implevit, totumque emplastro illinito firmavit. Infantulus, qui prius bene se habuerat, et sat robustum prae se tulerat habitum, febre hectica mox correptus duodetricesimo circiter die post partum excessit. Sectio cadaveris cariem quidem non monstravit, sed in pluribus locis cranium cuticula sua nutritia, quam adpellant pericranium, spoliatum, quasi necrosi partiali correptum, cognovimus. » «Observatio altera in instituto obstetricio ° ° ° facta : Supra descripto similis, major tamen tumor apparuit in capite puellae recens natae; plures per dies naturas soli malum relictum fuit, et Prof. 0 ° de natura hujus tumoris forsan incertus vix quidem verba fecit. Lento gradu tumor increvit, et corpus contabuit; postea
