Balassa, Joannes: Dissertatio inauguralis medico-politica de juvene medico (Viennae, 1838)
bus «repti, litando cupidinibus resuscitatis, adpetentiam- que ciborum ad voracitatem intensam domare nescii, victimas morti se tradunt. — Discrasiam septicam corrigere frustra tunc intendes, ubi cibis et potulentis ei favetur. Strenuum hoc intuitu praestat agere aegri vitricum, qui ne hilum a praescriptis, quousque bonum viderit recedat. — Nolim tamen, ut ita severus in extremum aliud incidas, a methodica diaeta ne quidquam recedere ausus; ridiculum namque foret, quosvis naturae instinctus praetervidendo, bucca faucibusque arentem a potu, qui reficit arcere, aut plusculum cibi avide petiti, denegare velle meticulose. 4. His tamen longe gravius momentum, perarduam tibi reddens metam est: nefanda medicasti'orum, urinoscoporum et vetularum fraudulentia, qui non solum specie visionis magicae aegrum praecipue ex plebecula credulum fallere, sed et arcana ei mirifica exhibere optime norunt, strages sic plebi miserae impune saepe inferentes; -— hi non raro lethalia et ad domos majorum diffundunt semina, quae hic in servo lucri cupido aut matrona piecula novo luxuriant germine; quin et proh dolor! cacodaemones hi generis nostri, fidei publicae sigillo persaepe dotantur.—Et magna me hercle, sycophantarum horum sunt merita! qui morbiferos indiscriminatim remediis purgantibus exorcisant Archeos, cloacamque sic repurgatam— sinon una ex corpore excruciato et anima migravit — elixiriis visceralibus, ad novos aptant epularum excessus.— Methodica profecto et jucunda, qua milleni ad inferos ducuntur via haec !—Farinae non absimilis sunt vetularum permultae, quae sub pallio pietatis religiosae aegros invisunt, diebus integris de miraculis propriis medicis elo- ques, superstitiosam facili negotio sibi divinciunt plebem; ubi tum de consiliis juvenis medici-licet optimis-actum est. En exemplorum — quae odiosa sunt—unicum: caseo, hornoque vino farcitus agaso quadratas cardialgiam et alvum oppilatam accusat; cito pede aditur benignae dominae oraculum medicum, quod pro elixirii universalis — 18 —
