Balassa, Joannes: Dissertatio inauguralis medico-politica de juvene medico (Viennae, 1838)
16 novo in praxeos provincia hospiti difficilia, optatique in cura eventus gravia impedimenta; quibus serie altera accedit: 2. Fallacia symptomatum ambiguorum;—„pulsus bonus, urinae bonae, et aeger morituriC est adagium antiquum, et non falsum. — Miraberis multum Amice, qui practicorum magnorum in libris adumbratum Noumenon in Phoenomeno morboso fide praesentatum adinvenire frustra saepe intendis, adparitionum harum plurimas in proteifor- mi natura, serie longe alia, subdolaque indole notatas contemplans. Nervi quidem, ceu custodes organismi humani, vivos'constituant pro aegro et medico ductores; ast ecquis fallacibus his nunciis semper et ubique confidat, lupumque sub pelle leonis latentem confestim detegat? — Heu! perfidam aegrorum quietem, qui in medullis jam fovent lae- thiferam gangraenam! — et doleo me hercle! medicum, qui graviter concusso, ob lucidum, quo soporosus pro tempore evigilat intervallum, faustam audet edicere prognosim; — aut quemnam calliginosa illa intemperies nervorum, frequens medicorum asylum latebit? — De vulsus mendaci indole, holonevrosis feminarum informis, aut psyche pa- thematibus commota sat, abundeque testantur; quem jam et minimus motus corporis, vomitus aut tussis, potus thea- tus aut jus carneum calidum, quin et medici adventus celerrime immutant. ■— Errant ergo, saepeque falluntur medici, qui in enodanda morbi indole pulsui unicum princi- pemque locum addicunt; sicut et vehementer falluntur uri- noscopi sagaces, quibus-ut medelam aegro adferant, docta mina urinas inspexisse sufficit. Fidum fors unice hydropi, ictero & viis urinariis morbosis criterium sistunt urinae, alibi variabiles admodum, hinc etiam fallaces; — quis enim ex urinis phthysicorum optimis, vitae focos foedo destrui ulcere crederet? — aut ecquis ex urinis rheumaticorum quotidie hypostaticis, toties quoties morbum judicari putaret? — Quomodo vero rheum et cassia colorem, balsama et asparagus intus sumta odorem urinarum pervertant, abunde notum ubique. Ambiguis, quae incautum persaepe
