Csízy, Paulus: De morbis infantum (Budae, 1838)
20 vam constituit, et cum leviori, meconii videlicet accumulationi, innitatur causae, nec diuturnus, nec periculosus, purganti praecipue rhabarbarino jam post paucos dies cedit remedio. » Excoriationes. §. 28. Non raram, primis praecipue vitae neonatorum hebdomadis, excoriationes (intertrigo) constituunt adfe- ctionem, quod malum incommodum magis quam periculosum , in regione nuchae, retro aures, sub axillis, inter femora, ad perinaeum per loci adfecti epidermide orbati ruborem, et per lymphae exsudantis humiditatem se manifestat. In sequelam neglectae munditiei producta adfe- ctio, repetitae ope aquae frigidae lotioni facile cedit. Un- gventorum et linimentorum, ut et aquae saturninae adpli- catio, merito dammanda, cum priora facile suppurationi, posterius spasmorum genesi faveat remedium. Inhibendae partium adglutinationi, adspersio pulveris sem. lycopodii apprimae respondebit. Ni tractamini huic simplici , cedat hocce malum, excoriatioque ulceris maligni induat formam , dyscrasia quaedam scrophulosa, jam syphilitica supponenda erit, huicque mercurius, jam forma aethiopis min, jam solubilis Hahn, ad Yw pro nychtemero grani partem, cum magnesia exhibitus opponendus; profusae suppurationi ungvento Zinci optime medemur. Thrombus neonatorum, cephalaematoma, tumor capitis sangvineus. §. 29. Thrombus neonatorum prominentiam sistit in capite neonatorum conspicuam, mollem elasticam, insensilem, fluctuantem, terminis distinctis et margine osseo notatam, coloris cuti non absimilis, diverse magnam.
