Goldberger, Adolphus: Dissertatio inauguralis medico-pharmacologica de auro ejusque praeparatis (Vindobonae, 1830)
23 latio aeri et luci subtracta servanda) vel sub forma pillularum , opio, conio maculato, vel aliis medicaminibus adjunctum. Pro usu externo grana ejusdem jv unguenti rosati Unciae j adduntur. §. 21. Murias Auri et Sodae. Aurum muriaticum natronatum, Chlorid um Auri et Natronii. Methodus salem hunc parandi a Chre- stien proposita, et a Figuier emendata est sequens: Aurum purissimum solvitur in quadruplo acidi muriatico-nitrici, solutio obtenta ad siccum usque evaporatur, et residuo 32 partes aquae destillatae adduntur cum una natri muriatici, quod liquidum colatum ad dimidium ponderis usque evaporatum, et refrigerio commissum, crystallos deponit, quae filtro collectae siccantur. Crystalli prismata referunt quadrangularia, coloris profundi aurei, inodora, saporis salsi austeri, quae facile in aqua, difficulter in alcohole solvuntur, aere et luce non mutantur; altiori caloris gradui expositae partem aquae et chlori ammittendo, in Aurum et Sodam muriaticam reducuntur. Praeparatum huic simile est Sal Auri Doctoris Gozzi, qui oblinetur, si Auri fo-
