Az 1863-as kalocsai egyháztartományi zsinat iratai és határozatai

Index

— 140 — Quod ad supellectilem domesticam attinet, meminerint Sacerdotes, proventus beneficiorum post honestam sustentationem superfluos esse patrimonium paupernm; quare in supellectili domestica ordini ac dignitati convenientem quidem decorem observent, luxum attamen mundanum, qui cordatis viris piisque fidelibus offendiculo foret, devitent, atque potius religiosis imaginibus et symbolis testatum reddant, quod pessimam indifferentismi contagionem vei in his perniciosam reputent. In delectu et conversatione familiae doraesticae Sacerdotes eam curam adhibeant, quae non tantum sancitis Canonum congruat, sed etiam cultus privati domestici ad legem christianae pietatis in familiis instaurandi documenta praebeat. Quare ad Clericorum in majoribus Ordinibus constitutorum contuberninm aut servitium in sensu ss. Canonum assumantur mulieres adultioris aetatis, probatorum morum, et bonae famae ac existimationis testimonium habentes. Personae vero in peccatum carnis prolapsae aut in divortio arbitrario viventes, quantumvis consanguineae aut affines, ad domum Sacerdotum nunquam recipiantur. Servientes apud Sacerdotem mulieres non vestiantur sumtuosius, nec choreas vei ludos publicos frequentent. Quidquid familiarius commercium redolet, longe absit. Ancillam commensalem Sacerdos non habeat, neque cum ea deambulet, vei aliorum domos adeat, aut eodem curru vehatur. Neque unquam patiatur, ut rebus, quae ad ipsam non pertinent, semet immisceat vei sibi arroget dominatricis partes 1). Quamvis parentes, praesertim si egeni sint aut aetate fracti, negligi non debeant: hortatur tamen Synodus, ne suorum nimiae sollicitudini indulgeant, nec eos augere ditareque studeant, aut in parochialis officii administrationem sese ingerere permittant. Quod Apostolus monuit : nemo militans Deo implicat se negotiis sae>) Decr. Concil. Prov. Vienn. 1858. Tit. V. Cap. VI.