Az 1863-as kalocsai egyháztartományi zsinat iratai és határozatai

Index

— 141 — cularibus, Synodus, Patrum sancitis conformiter, inculcat et prohibet : nequis Clericorum emtione et venditione quaestum cujusvis generis exercere praesumat. Abstineant etiam a spondendo seu cavendo pro aliis. Ne autem justae sollicitudini locus sit fore, ut senio confecti vei viribus fracti aliquando necessariis destituantur : curabunt Episcopi, ut emeritis Sacerdotibus fundi subsidiarii dioeeesani opportunos praebeant succursus. Licet vero Ecclesia permittat Sacerdotibus saecularibus bona temporalia possidere, ut necessitatibus vitae facilius providere possint; quia tamen Dominum specialiter pro parte haereditatis suae assumserant : caveant, ne bonis quae possident eor apponant, et sibi labem avaritiae consciscant, memores eorum, quae Paulus Apostolus ad discipulum scripsit : „Est quaestus magnus pietas cum sufficientia; nihil enim intulimus in liunc mundum, haud dubium, quod nec auferre quid possumus. Habentes autem alimenta et quibus tegamur, his contenti simus. Nam qui volunt divites fieri, incidunt in tentationem et in laqueum diaboli, et desideria multa inutilia et nociva, quae mergunt homines in interitum et perditionem. Radix enim omnium malorum est cupiditas, quam quidam appetentes erraverunt a fide, et inseruerunt se doloribus multis" Vitandum proin in administratione bonorum quidquid Ordinis sacerdotalis dedecori vei laicis offensioni esset, cavendumque Sacerdotibus, ne expensas ultra vires faciant ac propterea aere alieno graventur. Testamentum tempestive condere non negligant, et quod e reditibus ecclesiasticis ultra honestam sustentationem remanet, tempestive ad pias causas applicent, ne post mortem ab haeredibus ad profanos usus convertatur 2). Sacerdotes mutuam inter se charitatem colant, altér alterius onera libenter portent, se invicem ') I. ad Tim. 6, 6 — 10. — 2) Synodus Mechlin. 1852. in 18. Congr. IX.