Az 1863-as kalocsai egyháztartományi zsinat iratai és határozatai

Index

— 111 — lium salus; in tribunali namque Poenitentiae instituitur régimén conscientiarum, et vita spirituális christianorum plerumque ad eam normám decurrit, quam Confessarii in administrando Sacramento Poenitentiae tenent. Exinde satis advertitur, quanta in ministris hujus Sacramenti scientia et charitas requiratur. Juniores cumprimis Sacerdotes hortamur, ut moralium librorum lectione semet debite percolant, pro examinibus jurisdictionalibus semet assidue parent, casus Pontifici et Ordinariis reservatos debite intelligant, ex parte una ab immoderato rigore caveant, humanae fragilitatis rationem habeant et adjuncta personarum debite perpendant; ex altéra vero parte christianam moralem non emolliant, animabus pulvillos molles non consuant, satisfactionem ejusmodi assignent, quae emendationem optatam adferat; legem Christi, dum revera urget, venerentur absque hominum respectu, ast linum fumigans non exstinguant et arundinem quassatam non confringant, absolutionis gratiam solum dignis et bene dispositis conferant; iis vero qui de suis peccatis non dolent, qui propositum non peccandi nec quidem concipiunt, qui satisfactionis opera praestare renuunt, qui praecipuos Religionis articulos ignorant, qui rem alienam restituere vei cum inimicis in pacem redire nolunt, absolutionem differant, eosve pro recipienda absolutionis gratia disponant, ne secus sanguis Christi profanationi exponatur et Presbyteri iteratarum prolapsionum atque illorum malorum se reos constituant, quae ex indebitis nascuntur absolutionibus, quibus perit tum Presbyterorum tum poenitentium multitudo infinita l). Erga eos qui prava consuetudine detinentur, magna charitas adhibenda est, atque diligenter disponendi sunt, ut in eis vei aliquod adminus emendationis vestigium appareat. Quo ardentius Synodus desiderat, ut fidelium nullus ') Synod. Geben. Part. IV. Tit IX. Cap. V.