Kalocsai Főegyházmegyei Körlevelek, 1917

Index

— 109 — XXII. Nr. 4376. Novus Codex iuris canonici. "X 7"enerabilibus fratribus et dilectis filiis Patriarchis, primatibus, archiepiscopis, episcopis aliisque ordinariis ac praeterea catholicarum sludiorum universitatum ac seminariorum doctoribus atque auditoribus Benedictus episcopus servus servorum Dei ad perpetuam rei memóriám. Providentissima Mater Ecclesia, ita a Conditore Christo constituta, ut omnibus instructa esset notis quae cuilibet perfectae societati congruunt, inde a suis primordiis, cum, Dominico obsequens mandato, docere omnes gentes incepit, aggressa est iam tum sacri ordinis virorum christianaeque plebis disciplinam datis legibus moderari ac tueri. Procedente autem tempore, praesertim cum se in libertatem vindicavit et per majora in dies incrementa latius ubique est propagata, ius lerendarum legum proprium ac nativum evolvere atque explicare nunquam destitit, multiplici ac varia decretorum copia per Romanos Pontifices et Oecumenicas Synodos, pro re ac tempore, promulgata. Hisce vero legibus praeceptisque tum cleri populique Christiani consuluit regimini sapienter, tum ipsam, ut história testatus, rei publicae utilitatem civilemque cultum mirifice provexit. Neque enim solum barbararum gentium leges curavit Ecclesia abrogandas ferosque earum mores ad humanitatem informandos, sed ipsum quoque Romanorum ius, insigne veteris sapientiae monumentum, quod, „ratio scripta,, est merito nuncupatum, divini luminis auxilio íreta, teinperavit correctumque Christiane perfecit, usque adeo ut, instituto rectius ac passim expolito privato et publico genere vivendi, sive aetate media sive recentiore materiam legibus condendis satis amplam paraverit. Verum enimvero, quod ipse fel. rec. Decessor Noster Pius X. Motuproprio „Arduum sane", d. XVI. Kai. Apr. a. MCMIV edito, sapienter advertit, temporum conditionibus hominuinque necessitatibus, prout rerum natura tért, iinmutatis, ius canonicum iam suum finem haud expedite persequi omni ex parte visum est. Saeculorum enim decursu, leges quamplurimae prodierant, quarum nonnullae aut suprema Ecclesiae auctoritate abrogatae sunt aut ipsae obsoleverunt; nonnullae vero aut pro conditione temporum difficiles ad exsequendum, aut communi omnium bono minus in praesenti utiles minusve opportunae evaserunt. Accedit etiam, quod leges canonicae ita numero creverant, tam disiunctae dispersaeque vagabantur, ut satis multae peritissimos ipsos, nedűm vulgus, laterent. Quibus de causis, idem lel. rec. Decessor Noster, statim ac Pontificatum suscepit, secum ipse reputans quanto foret usui, ad disciplinam ecclesiasticam restituendam firmandam, si gravibus illis, quae supra enarravimus, incommodis, sollicite mederetur, consilium iniit universas Ecclesiae leges, ad haec usque tempóra editas, lucido ordine digestas in unum colligendi; amotis inde quae abrogatae iam essent aut obsoletae; aliis, ubi opus esset, ad nostros prae-