Kalocsai Főegyházmegyei Körlevelek, 1917

Index

sentes mores opportunius accomodatis

1); aliis etiam si quando necesse esse aut expedire videretur, ex novo constitutis. Rem sane perarduam post maturam deliberationem aggressus, cum sacrorum Antistites, „quos Spiritus Sanctus posuit regere Ecclesiam Dei"', eadem super re consulere, eorumque mentes plane cognoscere omnino oportere iudicasset, primum omnium id curavit ac voluit, ut Cardinalis a Publicis Ecclesiae Negotiis, datis litteris ad VV. FF. singulos Catholici Orbis Archiepiscopos, iisdem committeret ut „auditis Suffraganeis suis aliisque, si qui essent, Ordinariis qui S3

rnodo Provinciali interesse deberent, quamprimum huic Sanctae Sedi paucis referrent, an et quaenam in vigenti iure canonico, sua eorumque sententia, immutatione vei emendatione aliqua prae ceteris indigerent".

2) Postea, compluribus viris disciplinae canonum peritissimis sive ex Urbe Roma sive variis e nationibus in consortium laborum accitis, mandatum dedit dilecto filio Nostro Petro S. R. E. Cardinali Gasparri, tum Archiepiscopo Caesariensi, ut Consultorum operám dirigeret, perticeret, ac si opus esset, suppleret. Coetum deinde, sive ut aiunt Commissionem S. R. E Cardinalium constituit, in eamque cooptavit Cardinales Dominicum Ferrata, Casimirum Gennari, Benjaminum Cavicchioni, Joseph Calasanctium Vives y Tuto et Felicem Cavagnis, qui, referente eodem dilecto filio Nostro Petro S. R. E. Cardinali Gasparri, paratos canones diligenter perpenderent eosque, iudicio suo, immutarent, emendarent, expolirent

3). Cum autem quinque ii Viri, alius ex alio, obiissent, in eorum locum suffecti sunt dilecti filii Nostri S. R. E. Cardinales Vincentius Vannutelli, Caietanus De Lai, Sebastianus Martineiii, Basilius Pompiii, Caietanus Bisleli, Gulielmus Van Rossum, Philippus !) Cf. Motu-proprio „Arduum sane". J) Cf. Epistolam „Pergratum mihi" die 25. Mártii 1904. 3) Cf. Motu-proprio „Arduum sane". Giustini et Michael Lega, qui mandatum sibi negotium egregie expleverunt. Postremo, prudentiam auctoritatemque cunctorum in Episcopatu venerabilium Fratrum iteruin exquirens, ad ipsos itemque ad omnes regularium Ordinum Praelatos, quotquot ad Oecumenicum Concilium legitime vocari solent, novi Codicis iam digesti et adornati, antequam promulgaretur, singula ad singulos exemplaria mitti iussit, ut suas quisque animadversiones in paratos canones libere patefacerent.

4) Verum, cum interea immortalis memoriae Dacessor Noster, complorante Catholico Őrbe universo, de vita decessisset, id contigit Nobis, Pontificatum secreto Dei consilio ineuntibus, ut Ecclesiae Nobiscum docentis sic undique collecta suffragia debito cum honore exciperemus. Tum demum, nóvum totius canonici iuris Codicem iam pridem in ipso Concilio Vaticano a pluribus sacrorum Antistitibus expetitum, et abhinc duodecim solidos annos inchoatum, in omnes suas partes recognovimus, approbavimus, ratum habuimus. Itaque, invocato divinae gratiae auxilio, Beatorum Petri et Pauli Apostolorum auctoritate confisi, motu proprio, certa scienlia atque Apostolicae, qua aucti sumus, potestatis plenitudine, Constitutione hacNostra, quam volumus perpetuo valituram, praesentem Codicem, sicut digestus est, promulgamus, vim legis posthac habere pro universa Ecclesia decernimus, jubemus, vestraeque tradimus custodiae ac vigilantiae servandum. Ut autem omnes, ad quos pertinet, probe perspecta habere possint huius Codicis praescripta, antequam ad efiectum adducantur, edicimus ac jubemus, ut ea vim obiigandi habere non incipiant nisi a die Pentecostes anni proxime venturi, idest a die decima nona mensis Maii anni millesimi nongentesimi duodevicesimi. *) Cf. Epistolam „De Mandato" die 20. Mártii 1912.