Kalocsai Főegyházmegyei Körlevelek, 1912

Index

— 111 — xxii. Nr. 5475. Conceditur orationem Obsecro etc" recitantibus remissio defectuum et culparum, quas in ss. missae sacrificio litando contraxerint. Quod jam superiori tempore a plurimisspectatae pietatis sacerdotibus actum apud apostolicam Sedem reperitur, nunc iterum innovatum est, ut nimirum supplices exhiberentur preces, ad obtinendam in favorem recitantium, post Missae Sacrificium celebratum, vulgatam devotissimam orationem Obsecro te, dulcissime Domine etc., remissionem defectuum et culparum in eo litando ex humana fragilitate contractarum: quemadmodum a s. m. Leone Pp. X. pro recitantibus orationem Sacrosanctae etc. post divinas Laudes indultum est. Has preces, in audientia R. P. D. Adsessori S. Officii die 29. augusti 1912. impertita, humiliter porrectas Ssmus D. N. Pius div. prov. Pp. X. peramanter excepit, et concedere dignatus est ut sacerdotes omnes, praefatam orationem post oblatum divinum Mysterium recitantes optatam, ut supra, remissionem, rite dispositi ac, nisi impediantur, genuílexi, consequi valeant; simulque declaravit, Indulgentiam trium annorum, a s. m. Pio Pp. IX. die 11. decembris 1846. praedictae orationi adnexam, in suo robore permanere. Praesenti in perpetuum valituro absque ulla Brevis expeditione. Contrariis quibuscumque non obstantibus. M. Card. Bampolla. L. f S. f D. Archiep. Seleucien., Adsessor S. 0. Oratio. Obsecro te, dulcissime Domine Jesu Christe, ut Passió tua sit mihi virtus, qua mnniar, protegar atque defendar: vulnera tua sint mihi cibus potusque, quibus pascar, inebrier atque delecter: aspersio Sanguinis tui sit mihi ablutio omnium delictorum meorum: mors tua sit mihi glória sempiterna. In his sit mihi refectio, exsultatio, sanitas et dulcedo cordis mei. Qui vivis et regnas in saecula saeculorum. Amen. Coloczae, die 6. Novembris 1912. CJum in visitatione canonica in ecclesia Csurogensi facta invenerimus ecclesiam parochialem bene aedificatam esse, in qua fideles sacro missae sacrificio adesse, sacramenta suscipere et monita salutis audire possint, curatum vero loci ejusdem in domo parochiali habitantem administratoris tantum munus implere: propterea attenta fidelium humili instantia et supplicatione pro erectione parochiae ac obligatione per eosdem in actis nostrae curiae facta, solvendi certam pecuniarum summám ab unaquaque familia parocho pro tempore nominando, ut commode sustentari possit, donec de congrua aliunde provideatur; invocato Domini Nostri Jesu Christi nomine ejusque matris semper Virginis Mariae, ecclesiam Csurogensem sub invocatione sancti Ludovici Regis nostra auctoritate ordinaria tenore praesentium in parochialem erigimus, et erectam volumus, et declaramus; in eaque sanctissimum Eucharistiae sacramentum ad altare május, fontembaptismalem, olea sacra, et alia, quae ad ecclesiam parochialem pertinent, retineri et custodiri mandamus. Ecclesiaeque praedictae sic in parochialem erectae jura omnia et privilegia, quae parochialibus de jure competunt, concedimus, et illis gaudere debere decernimus, cum assignationibus et proventibus a praefatis parochianis promissis, ac aliis obvenNr. 4845. Erectio parochiae Csurogensis. LIITT. CIRC. 1912. 21