Kalocsai Főegyházmegyei Körlevelek, 1908

Index

6-o. Judicium de petítione, utrum ea admitti possit necne, edetur a Cardinali a Secretis S. C. Consistorialis, audito congrcssu; qui, ut magis explorata sit candidati doctrina, poterit ipsum experimento subjicere, prout melius judicaverit. 7-o. Nihil obstat quominus Ordinarius procuratorem eligat virum nondum in album relatum; qui tamen, ante quam exerceat mandatum, inscriptionem postulabit. Hoc autem in casu Ordinariorum prudentiae relinquitur ante videre, num cui forte abstaculo propositus procurator esse possit obnoxius, ne sese repulsae periculo objiciant. 8-0. Praeter inscriptionem in album, ut quis publicus habeatur et stabilis procurator dioecesanus, necessario requiritur justum Ordinarii mandatum ab adlecto exhibendum, cujus mandati authenticum exemplar apud Officium a Secretis Consistorialis Congregationis deponetur. 9-o. Munerum a procuratore dioecesano explendorum haec summa est: curare ut epistolarum commercium inter Apostolicam Sedem et Episcopum, de omnibus dioecesis negotiis, rite et cum fide procedat; ea referre, de quibus Officio alicui praepositi, in rebus ad ipsum pertinentibus, eum sint percontati; in cognitione versari negotiorum, quae apud varia Sanctae Sedis Officia evolvuntur spectantque dioecesim, cujus habét ipse procurationem. 10-o. Quae scripta data sint obsignata, inviolata transmittenda sunt; neve procurator unquam ullave de causa sibi fas esse ducat ea resignare. Qua in re cujusvis ge

_ neris culpa censebitur gravis. 11-o. Circa res omnes dioecesis, quarum, ratione sui muneris, notitiam acceperit, nisi agatur de re publica et notoria, procurator secreto officii tenetur. Hujus legis violatio culpae gravis instar habebitur. 12-0. Procuratoribus interdicitur ne litteras passim dimittant adclientum aucupium, exhibentes faciliores conditiones aut similia. 13-o. Nemini procui'atori licet pro sua opera majorem pecuniae summám exigere quam quae pro rescriptis, brevibus, bullis oftíciorum Sanctae Sedis constituta sit atque descripta: quam qui fregerit legem, restitutionis obligatione tenebitur, etiam poenis aliis non irrogatis. 14-o. Qui christiano pláne more non agat, quae conditio ad exercendum procuratoris munus est omnino necessaria, aut in memoratis officii sui partibus grave aliquid admittat, potest ad tempus removeri, aut etiam perpetuo dimitti. 15-o. Advocatorum Consistorialium Collegium erit agentibus seu procuratoribus omnibus instar Consilii disciplinae. Ex ejus Collegii sententia, Cardinalis a Secretis S. C. Consistorialis (si agatur de prave acta vita sociali vei de alia publice nota culpa); aut praepositi Officio, cujus intersit, (si de culpa officium spectante), poterunt ad admonitionem rei, aut ad ejus remotionem sive temporariam sive perpetuam procedere. 16-0. Procurator, sive remotus ad tempus sive perpetuo dimissus ab uno officio, hoc ipso remotus censetur, aut omnino exclusus ab omnibus. Quare praepositi Officio, a quo ejusmodi sit prolata sententia, ceteris Officiis rem significandam curabunt. Cap. X. pe ratione adeundi sanctae sedis Ö//icia cum iisque agendi generatim. Sectlo I. — Pro privatis. 1-o. Christi fideli cuique patet aditus ad Sanctae Sedis Officia, servata rite forma quae decet, et facultas est cum iisdem agendi per se de suis negotiis. 2-o. Advocati opera uti volenti, in quaestionibus quae illum admittant, fas non erit patronum proponere quemlibet; sed optio ei dabitur inter approbatos, de quibus cap. VII. 3-o. Si vero Procuratoris desideret operám, ejus eligendi arbitrium ipsi relinquitur, servatis tamen normis cap. IX. sect. I. constitutis.