Kalocsai Főegyházmegyei Körlevelek, 1908

Index

ad Cardinalem Secretarium Status administrorum omnium deferent nomina, adjecto suo cujusque stipendio, ad normám superiori numero descriptam. Iidem Praesules, intra memoratum tempus recensebunt onera sive perpetua sive temporaria, quibus Officia sua gravantur, et impensas Officii ordinarias. 5-o. Gradus et stipendia ad normám n. 3. sarta tectaque manebunt Administris eorum etiam Officiorum, quae ob novam Romanae Curiae ordinationem aut prorsus desierint, aut sint natura penitus immutata. Hujusmodi autem administri a Sanctae Sedis nutu pendebunt, et, ubi eorum postuletur opera, ad eam praestandam debebunt sese promptos ac paratos exhibere. 6-0. Salvis juribus a praesentibus administris acquisitis in quibusdam Officiis ad emeritum percipiendum, ceteris omnibus in posterum, qui sive aetatis ingravescentis, sive diutini morbi causa, sustinendis rite muneribus impares fiant, Apostolica Sedes, quantum poterit, ex aequo providebit, curando ut sufficiatur ab aliis, et cavendo ne ipsis necessaria desint ad honestam sustentationem. Cap. VU. pe advocatis. 1-o. Firmo illorum jure qui modo legitimi habentur advocati, in posterum, ad ineundum hoc munus, servandae erunt normae tit. III. legis propriae S. Rotae constitutae. 2-o. Exinde leges disciplinae vigebunt in memorato titulo contentae, quibus aeque omnes erunt obnoxii. 3-o. Qui vero cupiat advocati munus exercere apud S. Rituum Congregationem in Sanctorum causis, is legitimum sibi titulum comparet Advocati rotalis, ceterisque satisfaciat consuetudinis formis, quae ab eo Sacro Consilio praescripta sunt. Cap. Vili. pe ministris expeditionum. l-o. Privilégium exclusivae, quo Apostoliéi Ministri expeditionum in Datariae Officio fruuntur, ubi primum habere vim coeperit Constitutio Sapienti consilio, cessabit. 2-o. Est autem Sanctae Sedis propositum de ministrorum expeditionum, qui modo sunt, conditione ac statu cognoscere, ut in peculiaribus casibus ea possit inire consilia, quae magis aequa et opportuna judicaverit. Cap. IX. pe procuratoribus seu agentibus. Sectio I. - De procunatoribus particularibus et privatis. 1-o. Qui ad Sanctam Sedem recurrens sui particularis ac privati negotii causa uti opera velit procuratoris, potest ad id munus deputare quemlibet suae fiduciae virum, dummodo catholicum, integra fama, et ad Officium, in quo agenda sit res, minimé pertinentem. Praeterea oportet eumdem legitimo mandato munire, quodinActis, ad ipsius Officii cautionem, servabitur; aut sin minus apud Moderatores ejusdem in tuto ponere delecti viri honestatem et requisitas conditiones. 2-o. Si exhibitum virum Moderatores judicaverint admitti non posse, certiorem facient mandantem, ut aliter consulat. 5ectio II. — De procuratoribus publicis ac legitimis. 3-o. Ad procuratoris munus legitime et constanter obeundum pro Episcopo ejusque dioecesi, oportet inscriptum habere nomen in Procuratorum albo, quod patebit in Officio a Secretis Sacrae Congregationis Consistorialis. 4-o. Salvis juribus acquisitis ab exercentibus hodie munus Agentium seu ministrorum expeditionis, qui ubi postulaverint, in memoratum album referentur, posthac quicumque volet inscribi debebit petitionem, cum titulis quibus illa nititur, exhibere Adsessori S. C. Consistorialis. 5-o. Ad justam admissionem requiritur ut orator catholicam fidem profiteatur, sit integra fáma, calleatque satis latinum sermonem et jus canonicum. Si agatur de sacri ordinis viro, oportet ab Officio Urbis Vicarii adsensum impetret Romae residendi; religiosus autem sodalis id a Praeposito generáli impetrabit.