Kalocsai Főegyházmegyei Körlevelek, 1908

Index

§ 3. Quae ad nominationem, jusjurandum, obligationem secreti ac disciplinam pertinent, et pro administris Sacrae Rotae constituta sunt, serventur quoque, cum proportione, pro Apostolicae Signaturae administris. Can. 37. Supremuin Apostolicae Signaturae tribunal videt tamquam sibi propria ac praecipua, 1-o de exceptione suspicionis contra aliquem Auditorem, ob quam ipse recusetur; 2-o de violatione secreti, ac de damnis ab Auditoribus illatis, eo quod actum nullum vei injustum in judicando posuerint, juxta can. 9.; 3-o de querela nullitatis contra sententiam rotalem; 4-o de expostulatione pro restitutione in integrum adversus rotalem sententiam quae in rem judicatam transierit. Cap. 11. pe modo judicandi Apostolicae Signaturae. Can. 38. Ad postulandam restitutionem in integrum et ad introducendum judicium nullitatis contra sententiam rotalem dantur tres menses utiles a reperto documento aut a cognita causa, ob quam ad haec remedia recursus fieri potest. Can. 39. § 1. Expostulatio ad Signaturam pro restitutione in integrum non suspendit rei judicatae executionem. § 2. Nihilominus ad instantiam partis recurrentis Signatura potest, incidentali sententia, inhibitionem executionis jubere, aut obligare partém victricem ad congruam cautionem praestandam pro restitutione in integrum. Can. 40. § 1. Libellus, quo causa introducitur exhibendus est Secretario Signaturae Apostolicae. § 2. Cardinalis autem Praefectus, una cum Secretario, accepta instantia, examinare debet, utrum fundamentum aliquod boni juris habeat: quod si desit, instantiam ipsam quamprimum rejicere; sin vero habetur, tenetur admittere. Can. 41. § 1. In causa criminali, de qua sub num. 2. canonis 37., regulae processuales serventur, quae pro causis criminalibus a jure canonico statuuntur. § 2. In aliis judiciis, de quibus in num. 1., 3. et 4., can. 37., Signatura procedere potest sola rei veritate inspecta, citata tamen semper parte adversa, vei conventa, vei cujus intersit, et praefixo partibus congruo peremptorio termino ad jura sua deducenda. § 3. Et in primo ex memorati judicii casibus Apostolica Signatura inappellabili sententia definit utrum, an non, sit locus recusationi Auditoris. Quo facto, judicium ad Sacram Rotam remittit, ut juxta suas regulás ordinarias procedat, admisso in suo turno, vei non, Auditore contra quem exceptio sublevata fűit, juxta Signaturae sententiam. In tertio casu de hoc tantum judicat, sitne nulla rotalis sententia, et sitne locus ejus circumscriptioni. In quarto casu Apostolica Signatura, inappellabili sententia definit utrum, necne, locus sit restitutioni in integrum. Qua concessa, rem remittit ad Sacram Rotam, ut, videntibus omnibus, de merito judicet. Can. 42. Cardinalis Praefectus, itemque Signaturae tribunal, si expedire reputent, convocare possunt Promotorem justitiae et Defensorem vinculi penes Sacram Rotam, et ab eis votum exigere, vei etiam petere ut de actibus rotalibus, quae impugnantur, rationes explicent.