Kalocsai Főegyházmegyei Körlevelek, 1908

Index

— 143 — XXV. Nr. 5069. Constitutio Apostolica de Romana Curia. PIUS EPISCOPUS SERVUS SERVORUM DEI AD PERPETUAM REI MEMÓRIÁM. Sapienti consilio sa. me. Pontifex Xystus V., Decessorum vestigiis inhaerens eorumque coepta perficiens, sacros Cardinalium coetus, seu Romanas Congregationes, quarum aliquot jam erant ad certa negotia institutae, augeri numero voluit, ac suis quamque finibus contineri. Quare Apostolicis Litteris, die XXII. mensis Januarii an. MDLXXXVII, queis initium, Immensa, ejusmodi Congregationes constituit quindecim, ut, „partita inter eos aliosque romanae Curiae magistratus ingenti curarum negociorumque mole", quae sólet ad Sanctam Sedem deíerri, jam necesse non esset tam multa in Consistorio agi ac deliberari, simulque possent controversiae diligentius expendi, et celerius faciliusque eorum expediri negotia, qui undique, sive studio religionis ac pietatis, sive juris persequendi sive gratiae impetrandae, aliisve de causis ad Summum Pontificem confugerent. Quantum vero utilitatis ex sacris his Congregationibus accesserit sive ad ecclesiasticam disciplinam tuendam, sive ad justitiam administrandam, sive ad ipsos Romanos Pontifices relevandos, crescentibus in dies curis negotiisque distentos, compertum ex Ecclesiae história exploratumque omnibus est. Verum decursu temporis ordinatio Romanae Curiae a Xysto V. potissimum per memoratas Apostolicas Litteras constituta, haud integra perstitit. Nam et Sacrarum Congregationum numerus, pro rerum ac temporum necessitatibus, modo auctus est, modo deminutus; atque ipsa jurisdictio unicuique Congregationi primitus attributa, modo novis Romanorum Pontiflcum praescriptis, modo usu aliquo sensim inducto ratoque habito, mutationibus obnoxia fűit. Quo factum est ut hodie singularum jurisdictio, seu competentia, non omnibus perspicua nec bene divisa evaserit; plures ex Sacris Congregationibus eadem de re jus dicere valeant, et nonnullae ad pauca tantum negotia expedienda redactae sint, dum aliae negotiis obruuntur. Quapropter haud pauci Episcopi ac sapientes viri, maximé vero S. R. E. Cardinales, tum scriptis tum voce, et apud Decessorem Nostrum fel. rec. Leonem XIII., et apud Nos ipsos saepe institerunt ut opportuna remedia hisce incommodis afferrentur. Quo^ Nos quidem pro parte praestare curavimus datis Litteris die XVII. mensis Decembris anno MCMIII., Romanis Pontificibus; aliisque datis die XXVIII. mensis Januarii anno MCMIV., Quae in Ecclesiae bonum; itemque aliis datis die XXVI. mensis Maji anno MCMVI., Sacrae Congregationi super negotiis. Cum vero in praesenti res quoque sit de ecclesiasticis legibus in unum colligendis, maximé opportunum visum est a Romana Curia ducere initium, ut ipsa, modo apto et omnibus perspicuo ordinata, Romano Pontifici Ecclesiaeque operám suam praestare facilius valeat et suppetias ferre perfectius. Quamobrem, adhibitis in consilium pluribus S. R. E. Cardinalibus, statuimus ac decernimus, ut Congregationes, Tribunalia et Officia, quae Romanam Curiam componunt et quibus Ecclesiae universae negotia pertractanda reservantur, post ferias autumnales decurrentis anni, hoc est a die III. LITT. CIRC. 1908. 20