Kalocsai Főegyházmegyei Körlevelek, 1907

Index

II. Nr. 1292. Allocutio SSmi Dni Pii PP. X. de mira Episcoporum concordia cum S. Sede Apostolica. ALLOCUTIO QUAM PIUS PP. X. HABUIT IN CONSISTORIO DIEI 6. DECEMBR1S 1906. DE MIRA EPISCOPORUM CONCORDIA CUM S. SEDE DEQUE EADEM EXOPTANDA FIDELIUM CUM EPISCOPIS CONCORDIA. Venerabiles Fratres! Nobiscum animo reputantibus quid hodie potius cum amplissimo coetu vestro communicaremus, nihil occurrit, quod sollicitos magis habeat, nisi ea acerbior in dies rerum atque hominum calamitosa procella, qua catholicum nomen miserrime affligitur. Equidem hoc maximé tempore Ecclesia sancta naviculae í 11 i est verissime comparanda, quae in medio mari operiebatur fluctibus. Attamen minimé nutat fides Nostra; quin imo firmissime persuasum est, nunc quoque nobis adesse Christum, qui maturo opitulandi momento, surgens imperet ventis et mari, atque optata fiat tranquillitas magna. Interea, Venerabiles Fratres, tametsi magnis premimur aerumnis, solatium non deest Nobis, grandé illud quidem planeque mirandum, quodque vei ipsi stupent catholicarum partium osores. Concordiam inquimus singularem, qua universus coalescit Episcoporum ordo, atque Nobiscum est conjunctissimus. Una enim omnium est conspiratio, unus consensus cum Pastore summo, Christi in terris Vicario; ut nemo sit illorum, qui insigne illud Augustini verbum iterare non gaudeat: Roma loquuta est, caussa finita est. Sicubi vero turbulentis inimicorum ausibus sacrorum Antistites acrius vexantur; eo ceterorum Episcoporum videmus oculos animosque converti addereque fratres fratribus solatia afflictis, ut scilicet malis ne cedant, sed stent fortiores tortoribus. — Páter sancte, qui illos posuisti regere EccleL1TT. CIRC. 1907. siam tuam, custodi in aeternum hanc voluntatem cordis eorum! Utinam porro ad praeclarissimum hoc Episcoporum suorum exemplum catholicus etiam populus componatur ubique! Id utique toto Nos pectore exoptamus, id toto nisu hortamur, ut fideles suis omnino consentiant pastoribus, nihilque antiquius habeant, quam illorum nutu duci suasuque moveri. Postulat hoc quidem christiani nominis officium; sed postulat modo impensius religionis bonum; ut videlicet, ubi christianae rei oppugnatio jam premit, constanti fortitudine superetur; ubi vero parantur religioni infesta, catholici, partium studiis animorumque dissensionibus generose depositis, quidquid leges sinunt nec christiana conscientia prohibet, id totum audeant ut ea feliciter avertantur. Haec ad commune solatium atque ad animos excitandos visum est significare: nunc vero officium exigit, Venerabiles Fratres, ut nonnullarum viduitati ecclesiarum, imprimisque inclitae Sedi Patriarchali Hierosolymitanae latinae, quae per obitum Ven. Fratris Ludovici Piavi vacat, provideamus. Ad quam, re mature perpensa, Ven. Fratrem Philippum Camassei Archiepiscopum Naxiensem destinare piacúit. — Quae hujus Antistitis in Apostolicam Sedem sit voluntas, quae sint multarum ornamenta virtutum, fusius prosequi non opus est. Curiae Vicarii Pontificis Maximi in Urbe primum navavit operám, matrimoniis fidelium rite ordinandis praefectus. Tum vero, per annos quindecim, Collegio Urbaniano Rector cum laude praefuit, inter Pontificiae Domus Antistites merito cooptatus. Illum demum, ante annos duos, Archiepiscopatu Naxiensi, Nos ipsi auximus. In quo administrando quoniam 2