Kalocsai Főegyházmegyei Körlevelek, 1904

Index

97 — XIV. Pl US PP. X. MOTU PROPRIO. Jam a primis Nostris encyclicis litteris, quas ad universos orbis episcopos dedimus, iis concinentes quae gloriosi Praedecessores Nostri de actione catholica laicorum decreverunt, id opus maximé laudabile et in praesenti Ecclesiae statu necessarium declaravimus. Neque facere possumus, quin alte commendemus tot illustrium virorum zelum, qui se jamdudum huic praeclaro penso dediderunt studiumque tam frequentis lectaeque juventutis, quae in hoc negotio alacriter suam conferre opem properavit. Decimusnonus catholicorum Conventus nuper Bononiae habitus et a Nobis excitatus et promotus, satis ostendit omnibus virium catholicarum vigorem, quidve obtineri possit utilis ac salutaris in christiano populo, si hujusmodi actio sit bene directa et ordinata, regnetque in cunctis, qui ad eam concurrunt cogitationum, affectuum operationumque unitas. Attamen non levem Nobis dolorem affért quod aliqua discrepantia inter eos exorta disputationes sane vivaces exsuscitaverit, quae nisi opportune cohibitae, easdem vires distinere minusque efficaces reddere possent. Nos qui antequam Conventus cogeretur animorum unionem concordiamque commendavimus, ut communi sententia ea statuerentur, quae ad normás operosas catholicae actionis attinent, silere nunc nequaquam possumus. Cumque dissensiones in ordine actuoso ad theoreticum referantur, immo in hoc sustentaculum habere debeant, principia constabilire oportet, quibus omnis catholica actio informanda est. Leo XIII. s. m. insignis Decessor Noster, luculenter normás tradidit actionis popularis christianae in praeclaris Encyclicis Quod Apostolid muneris diei 28. decembris 1878, Berum novarum diei 15. maji 1891, et Graves et communi diei 18. januarii 1901. atque in spéciali Instructione per S. Congregationem super Negotiis Ecclesiasticis Extraordinariis emanata die 27. januarii 1902. Nos autem qui non minus quam Antecessor Noster conspicimus, quam sit necesse ut actio popularis christiana recte moderetur ac dirigatur, volumus quod normáé illae sapientissimae ad amussim pleneque observentur; nullusque ab iis discedere quacumque ratione audeat. LEGES FUNDAMENTALES ACTIONIS POPULARIS CHRISTIANAE. I. Humana Societas, ut Deus constituit, ex elementis inaequalibus coalescit, quemadmodum inaequalia sunt humani corporis membra; omnia aequalia reddere est impossibile, eademque Societas dissolveretur.

1 Nr. 2618. De actione populari Christiana. 1 Encycl. Quod Apostoliéi muneris. LITT. CIRC. 1904. 14