Kalocsai Főegyházmegyei Körlevelek, 1900

Index

— 5 — si intra anni sancti decursum injuncta pia opera denuo iteraverint, vei inchoatis tantum iisdem operibus morbo periculoso oppressi fuerint. Ut vero dictae personae ad exonerandas conscientias suas eo majori libertate et facilitate fruantur et sic eo certiorem jubilaei fructum obtineant, Sanctissimus D. X. pro paterna sua benignitate clementissime concedere dignatus est, ut omnes personae supra sub A. B. et C. commemoratae- in quantum ordinario tempore apud confessarios sibi designatos coníiteri tenentur, — dum confessionem jubilearem príma vice peragunt, liberam facultatem habeant eligendi sibi ex alterutro Clero (saeculari scilicet et regulari) confessarios quoscunque, dummodo ad confessiones personarum saecularium probati rite sint. Confessariis vero sic electis pari benignitate apostolica potestatem tribuit, ut personas supradictas, dum in ordine ad obtinendas indulgentias jubilaei príma vice confitentur, auditis earum confessionibus absolvere possint a quibusvis peccatis etiam apostolicae sedi speciali modo reservatis, excepto casu haeresis formális et externae, imposita poenitentia salutari aliisque de jure injungendis. Praeterea iisdem confessariis concessit Sanctissimus Dominus, ut etiam dispensando commutare possint omnia vota, quibus personae supra sub A. memoratae sese obstrinxerint, exceptis iis, quae Suae Sanctitati et Apostolicae Sedi reservata sunt (puta votum perpetuae castitatis et votum ingrediendi religionem); factaque commutatione a votorum etiam juratorum observantia easdem absolvere. Ad cujus Apostolicae benignitatis exemplum ego etiam omnibus sacerdotibus tum saecularibus, tum regularibus, in hac archidioecesi ad audiendas fidelium confessiones rite adprobatis et jurisdictione munitis, potestatem facio, ut quascunque personas supra sub A. B. et C. commemoratas, dum eaedem confessionem jubilearem prima vice peragunt, in sede confessionali exaudire, et si rite dispositae inventae fuerint, non tantum a quibusvis peccatis communibus, sed ab iis etiam, quae mihi ut Ordinario reservata sunt, injunctis injungendis absolvere possint ac valeant. III. Caeteri autem, qui neque Romám petere ob vitae adjuncta valent, neque ad personas privilegiatas (de quibus §. II. actum est) pertinent, non tantum jubilaei consequendi spe (anno saltem currenti) carent, verum neque alias consuetas indulgentias sive partiales sive plenarias toto anni sacri cursu lucrari possunt (quod de caetero etiam de peregrinis Romanis et personis privilegiatis valet) praeter illas paucas, quae in Apostolicis litteris „Quod Pontificum" dedto 30-ae Sept. 1899. enumerantur (Vide Circ.Litt. de anno 1899. pag. 135.); quum in citatis Apostolicis litteris expresse dicatur: „Iis exceptis, de quibus supra memoravimus, caeteras omnes et singulas Indulgentias tam plenarias, etiam ad instar Jubilaei concessas, quam non plenarias, suspendimus ac nullás esse jubemus. Simili ratione facultates et indulta absolvendi etiam a casibus Nobis et Apostolicae Sedi reservatis, relaxandi censuras, commutandi vota, dispensandi etiam super irregularitatibus et impedimentis cuilibet quoquo modo concessa, suspendimus ac nulli suffragari volumus ac decernimus." (1. c.) Verumtamen, prout ex iisdem Apostolicis litteris (nr. VII.) patet, in vigore manent indulgentiae Altarium Privilegiatorum pro fidelibus defunctis, aliaeque eodem modo pro solis defunctis concessae; item quaecunque vivis quidem concessae sint, sed hac dumtaxat causa, ut defunctis per modum suffragii directe applicari valeant.