Kalocsai Főegyházmegyei Körlevelek, 1896

Index

— 91 XVIII. feanctissimus Dominus Noster Leo PP. XIII. nóvum, illudque praestantissimum et a nobis profundissimis filialis venerationis gratique animi sensis excipiendum indicium Suae erga gentem nostram vere paternae dilectionis et benevolentiae dedit, quum ex occasione millennii pulcherrimam hanc epistolam ad episcopos Hungáriáé direxit, quam ad solatium, aedificationein et instructionem dilecti Oleri mei heic per extensum publicare festino. DILECTIS FILIIS N0STRIS S. R. E. FRESBYTERIS CARDJNAL1BVS CLAVDIO VASZARY ARCHIEPISCOPO STRIGONIENSI LAVRENTIO SCHLAVCH EPISCOPO MAGNO-VARADINENSI LAT. RIT. CETERIS Q VE VENERABILIBVS FRATRIBVS HVNGARIAE EPISCOPIS LEO PP. XIII. DILECTI FILII NOSTRI ET VENERABILES FRATRES SALUTFM ET APOSTOLIOAM BENEDICTIONEM. Insignes Deo aeterno grates totá Hungaria singularibus cum laetitiis agendas iure vos optimo decrevistis. Deo quippe, statori providentissimo et conservatori regnorum, si qua unquam natio, vestra maximé referre debet vim magnam beneficiorum, non pauca iam saecula difficilesque per casus, acceptam: quibus recolendis celebrandisque beneficiis peraptum obvenit tempus, patriae vestrae natali felicissime redeunte. In eo namque estis ut annum numeretis millesimurn ex quo maiores illi domicilia sedesque suas istis in regionibus collocaverunt, atque res coepit Hungarica. — Oonstituta sollemnia nihil dubitamus quin dignum pláne exitum honestissimaeque fecundum utilitatis sint habitura. Neque enim esse ullus potest sincera caritate civis, quem non decora tangant communis patriae, et cui non acres admoveat imitandi stimulos avita rerum gestarum glória publice revocata. Ad haec accessio nobilis fiet ex consentiente suffragio excultarum quotquot sunt gentium, quae gaudia vestra amice consociantes, regnum certe gratulabuntur aptis legibus institutisque conditum, civili prudentia et virtute bellica conservatum, multis egregie factis in hanc provectum diuturnitatem et amplitudinem. — Nobismetipsis tam iucunda accidit faustitas vestra quam quae iucundissima, nec quidquam optatius est quam vobiscum, Venerabiles Fratres, praesentes in populo vestro mente animoque versari. Facit hoc praecipue tum Nostra erga Hungáriám catholicam peculiaris propensio et cura, tum vero ipsius in hanc Apostolicam Sedem atque in Nos pláne stúdiósa voluntas, crebris significationibus declarata. Inter cetera, postremis hisce annis frequentes Hungaros Roma vidit, vobis rite ducentibus, ad sepulcra Apostolorum principum venerabundos; vidimus Nos coram effusos, quum testimonia fidei, obsequii, amoris, communi popularium nomine, exhiberent pulcherrima. Nec defuit eis benevolentia Nostra et opportunae exhortationis alloquium, ut animos in officiis sanctae professionis confirmaremus: quamquam id consulto uberiusque praestitimus nationi universae, litteris ad vos semel atque iterum datis. Nunc autem, quandoquidem commeminisse iuvat qua verecundia et gratia clerus bonique omnes illa paterni animi argumenta acceperint, rursus ad vos, interpres caritatis Nostrae, haec epistola adveniat; quae, favente Deo, saecularis celebritatis et laetitiam augeat et fructus multiplicet. Nr. 2857. Sanetissimi Domini Nostri Leonis divina providentia Papae XIII. epistola ad episeopos Hungáriáé. LITT. CIRC. 1896. 20