Kalocsai Főegyházmegyei Körlevelek, 1866

Index

— 2 — ferventissimamque nostram gratitudinem et pietatem in egregiam Defuncti animam merito deposcant. Quare, posteaquam exanime Ejus corpus ritu praescripto et ea, qua decuit lugubri pompa, Cleri ac Populi frequentissimo in concursu hodierna die in sinum sponsae suae Metropolitanae Ecclesiae moerentes ac dolentes deposuissemus, insuper adhuc solemnes pro refrigerio animae Ejus Exequias feria quarta post Dominicam in Albis, quae est dies 11-a Április a. c. celebrandas statuimus misericordiarum Patrem enixis precibus orantes, ut Illum, qui virtutnm suarum fulgore, rerumque praeclare gestarum prodigio nomen suum aeternitati consecravit : in sortem et haereditatem recipiat magnorum illorum Antistitum, quoi;iim, immarcescibili corona in coelis jam dudum redimitorum, gloriosum agmen Beatus Astricus ducit. Ad praeattact^s autem Exequias Venerabilem Clerum Dioecesanum praesentibus fraterna cum officiositate invitamus. Coloczae die 10-a Januarii 1866. Metropolitanum Capitulum. Generális Vicarii Capitularis electio Clero dioecesano significatur. Per decessum Excellentissimi, Illustrissimi ac Reverendissimi Domini Josephi Kunszt dum viveret Metrop. Colocensis et Bacsiensis canonice unitarum Ecclesiarum Archi-Episcopi et Praelati Nostri desideratistimi Jurisdictione Arclii-Dioecesis Episcopali in Nos recidente, ut tam sacris Canonibus debitum morém gerere, quam viduatae Metropolitanae Ecclesiae Nostrae de fideli in Spiritualibus Oeconomo per electionem Generális Vicarii Nostri providere non negligamus, ad exigentiam SS. Tridentini Concilii sub hodierno dato in Consistorio Nostro Capitulari concordibus votis Illustrissimum ac Reverendissimum Dominum Joannem Bapt. Nehiba- consecratum Episcopum Tinniniensem et Capituli Nostri Praepositum Majorem, virum praeclaris virtutibus et eximiis qualitatibus de jure requisitis praeditum, qui Vicarii munere sub denato Archi-Praesule Nostro cum plena omnium satisfactione functus est, in Vicarium Generalem Capitularem elegimus et confirmavimus. Quodipsum Venerabili Clero Dioecesano cum eo bisce significamus, ut electo huic Yicario Capitulari debitam reverentiam, obedientiam et Officiorum Suorum omneni promptitudinem exhibere noverit. Coloczae, die 11-a Januarii 1866. Metropolitanum Capitulum.