Kalocsai Főegyházmegyei Körlevelek, 1864

Index

- 92 prohibere, ne praedicari ac doceri queat discrimen, quod inter catholicam veritatem et schisma intercedit, et gravissimis constitutis poenis impedire, quominus aliquis ex infelici schismate emergere, et ad catholicae Ecclesiae sinum redire possit. Hinc religiosi viri ex suis coenobiis deturbati, eorumque raonasteria militaribus stationibus destinata, et catholici episcopi a sua dioecessi abrepti et exsilio mulctati, et innumeri fere catholici graeci ritus subdolis quibusque machinationibus jam diu in schisma violenter tracti, et impediti ad redeundum in catholicae Ecclesiae grémium, veluti exoptarent ac innumerabiles etiam latini ritus catholici per mixta praesertim matrimonia catholicae Ecclesiae erepti, et pueri catholicis parentibus orbati, sub tutelae praetextu, in longinquas regiones amandati, a catholico cultu avulsi, et in schismatis discrimen adducti. Hinc innumeri cujusque generis , aetatis , sexus et conditionis catholici summopere afflicti, et in remotissimas terras transducti, et catholicorum templa direpta, polluta, ac in cultum acatholicum, vei in militares stationes conversa, et catholici sacerdotes miserandum in modum vexati, suisque bonis spoliati, ad tristem paupertatem redacti, ac vei in exsilium pulsi, vei in carcerem detrusi, vei etiam necati, propterea quod in acie vulneratis, morientibusque sacri ministerii opem, auxiliumque ferre haud omiserunt. Accedit etiam, ut cum presbyteri, tum laici in exsilium missi omni sanctissimae nostrae religionis solatio, praesidioque carere debeant, utque Lithuaniae catholicis optio data fuerit vei exules abeundi in disjunctissimas regiones, vei deficiendi a catholica religione. Haec et alia sane lugenda a russico gubernio contra catholicam Ecclesiam indesinenter patrantur. Equidem Nos immenso moerore confecti lacrimas continere non psssumus, cum videamus, vos, Venerabiles Fratres, ac dilectos filios fideles catholicos omnibus illis gravissimis insectationibus obnoxios, quibus commemoratum gubernium catholicam fidem et religionem tum in Poloniae regno, tum in aliis praesertim illius imperiiregionibus ad ultimum discrimen adducere conatur. At etiam in hoc acerrimo bello a russico gubernio catholicae Ecclesiae, ejusque sacris juribus, ministris, rebusque illato, alium nóvum prorsus in Ecclesiae fastis, et ante hunc diem inauditum ausum lamentari, et exprobrare cogimur, Venerabiles Fatres. Siquidem gubernium idem non solum venerabilem fatrem Sigismundum egregium, omnique laude dignum Varsaviensem archiepiscopum a suo grege divulsum in longinquas regiones amandavit, verum etiam non dubitavit decernere, eumdem venerabilem fratrem episcopali in Varsaviensem dioecesim auctoritate et jurisdictione esse privatum et neminem e sua dioecesi cum ipso posse communicare, et in ejus locum sufficere, veluti dioecesis administratorem dilectum filium Paulum Rzewuski, ejus Vicarium Generalem , et episcopum Prusensem in partibus infidelium jam a nobis electura ac suffraganeum ejusdem Varsaviensis antistitis designatum. Verba quidem desunt, Venerabiles Fratres, ad hujusmodi factum reprobandum ac detestandum. Ecquis enim non vehementissime mirabitur, cum sciat eo devinisse russicum gubernium, ut perperam autumet et audeat, episcopos, quos Spiritus Sanctus posuit regere Ecclesiam Dei,