Kalocsai Főegyházmegyei Körlevelek, 1862

Index

Comitia. Summus ille Pontifex postquam Patrem Luminum enixe exorasset III. Kalendas Octobris, qui dies Archangelo Michaeli sacer est, et Servi Dei nativitatis anniversarius, iterum in ecclesia S. Caroli ad quatuor fontes Decretum túlit, Constare in tertio genere de primo Miraculo instantaneae perfectaeque sanationis Mariae Aegidii Gil a tumoré canceroso in mamma : Ac de secundo repentinae integraeque sanationis Alplionsi Ottero Grassal ab humeri fraclura. Tandem Comitiis iterum Greneralibus indictis VIII. Kalendas Decembris ejusdeui anni, in quibus discuteretur Dubium An tuto procedi possit ad hujus Servi Dei Beati/icationem, cum omnes Patres Cardinales et Consultores in affirma/tivam ivissent sententiain, idem Summus Pontifex Pius VI. sa. me. VI. Idus Decembris die Immaculatae Deiparae Conceptioni Festő alterum edidit Decretum, nempe Tuto procedi posse ad ejusdem Servi Dei Beatipcationem. Quae postea solemnis ceremónia, datis Litteris Apostolicis in forma Brevis, maximo apparatu in Vaticana Basilica celebrata est VI. Nonas Majas anni MDCCLXXIX. Postquam Altarium honores Beato Michaeli decreti fuere, novis ipse coepit corruscare prodigiis, quibus cunctis satis apparebat hunc majori honore dignum censendum, quem Rex Regum sic honorare voluerat. Quapropter instructae iterum sunt juridicae tabulae de duobus miraculis post indultam venerationem ejus ope patratis. Haec fuerunt miracula : Primum patratum est sub initio mensis Maji an. MDCCLXXX cum in urbe Giranatensi apud ecclesiam fratrum discalceatorum Ordinis Sanctissimae Trinitatis solemriia agerentur ob coelitum honores Beato Michaeli attributos. Nam Francisca Navarrete-ySanz annorum sexaginta quatuor canceroso tumoré exulcerato in inferiori parte linguae ita decem inde annis laboraverat, ut nec cibum capere posset, cum morbus totam oris cavitatem obstruxisset; quapropter a medicis derelicta B. Michaelis suppetias imploravit, et novendiali supplicatione ad ejus honorem absoluta, statim tumor cancerosus absque ullo artis chyrurgicae medio ab ore prolabitur, nec ullum ibi aliquod teterrimi ulceris vestigium permansit. Alterum vero splendidius, intercessione B. Michaelis, miraculum accidit anno MDCCCXXX Fráter Joannes Baptista a Sanctissima Trinitate laicus professus in eodem Ordine discalceatorum aetatis suae anno vigesimo quarto apud S. Mariam de Fornacibus quotidianae stipi quaeritandae a Coenobii Praeside addictus est. At laboribus, aérisque insalubritate attritus in febrim incidit, quae continuo eum discrucians medicos edocuit aegrotum pulmonari tabe laborare. Tertio vero nonas Martias anni MDCCCXXX eo morbus processerat, ut in discrimen vitae adductus Sacra Eucharistia refectus, et oleo infirmorum inunctus vitae extremum jam attigisse videretur. Et jam ejusdem diei secunda post meridiem hora praeterlapsa, illico se ad B. Michaelis opem implorandam sensit excitatum; hinc subito ejus arripiens imaginem, et infirmo applicans pectori promisit, se un— dique stipem, si mortem sanus evasisset corrogaturum , ut ei Sanctorum tribuerentur honores. Mirabile dictu! inchoatam adliuc non expleverat precem, et se jam integrum et salvum, acutis depulsis doloribus, anhelituque remisso persensit. Quapropter e lectulo statim prosiliens, propriis resumptis vestibus, templum adjacens petiit festinans, et ante B. Michaelis aram provolutus, lacrimarum vim profundens, sospitatori suo gratias égit ex animo. Eum vespertinis exactis precibus e choro egredientes fratres viderunt, et sibi redivivum hominem cernere visi sunt. Coenobii Praeses, ut evidentius pateret miraculum, sanatum jussit ad officinám medicamentariam se se ferre, quae adjacet templo Mariae Deiparae nuncupato trans Aelium pontem, et longe distat a Claustro, ibique se medico