Kalocsai Főegyházmegyei Körlevelek, 1862

Index

r •8Ü sistere. Hic Fratrem Baptistam ascipiens, cui etiam, prorsus depulsa macié, naturalis color, et in membris vigor redierat, vehementer expavit, idque coelesti portento adscribendum esse palam enunciavit. Hinc Vaticanam invisit. Basilicam, et domura se recipiens in domestico perambulabat horto, simul suo Praesidi affirmans, se ita experiri comparatum viribus, ut adhuc longum iter suscipere posse confideret. Hic sane Fráter, triginta licet ac duobus jam elapsis annis, adhuc vivit et bona utitur valetudine. Quapropter absoluta juxta Apostolicas leges Inquisitione ter de more prodigiosae hae sanationes solertissimo examine expensae sunt in Sacrorum Rituum Congregationis Comitiis, et praesertim in postremis generalibus coram Gregorio XVI sa. me. in Palatio Apostolico habitis VIII. Kalendas Junii an. MDCCCXLI. Idem Summus Pontifex XI. Kalendas Septembris ejusdem anni decrevit, Constare de duobus Miraculis tertii generis intercessore Beato Michaele a Deo patralis, scilicet de primo Repentinae perfectaeque sanationis Franciscae Navarrete-y-Sanz- ab inveterato tumoré canceroso exulcerato in inferiori linguae parte : et de altero Instantaneae perfectaeque sanationis Fratris Joannis Baptistae SS. Trinitatis a plitysi pulmonari viribus illico restitutis. Quod autem supererat, ut scilicet ad summum gloriae fastigium coelitibus dátum extolleretur B. Michael de Sanctis, id ab aeterna Dei Providentia Sanctissimo Domino Nostro PIO Papae IX. reservatum fűit. Siquidem Generalia Sacrorum Rituum Congregationis Comitia coram Sanctitate Sua coacta sunt in Palatio Vaticano III. Nonas Septembris anni jam elapsi MDCCCLXI. in quibus proposito Dubio per Reverendissimum Cardinalem Ludovicum Altieri Episcopum Albanensem Causae Relatorem: An stante approbatione duórum, Miraculorum post indultam Venerationem tuto procedi possit ad Solemnem Beati Michaelis de Sanctis Canotiisationetn, omnes qui aderant uno ore Tuto procedi posse responderunt. Tandem Sanctissimus Dominus Noster, postquam effusis precibus sibi a Divina Sapientia auxilia comparaverat, quinto decimo Kalendas Octobris ejusdem anni, qua die Beato Francisco coelitus impressa stigmata recoluntur, in Sacrario Ecclesiae S. Mariae in Ara Coeli adstantibus Reverendissimis Cardinalibus Constantino Patrizi Episcopo Portuense et S. Rufinae, Sacrorum Rituum Congregationi Praefecto, et Ludovico Altieri Episcopo Albanense Causae Relatore, nec non R.P.D. Andrea Maria Frattini Sanctae Fidei Promotore, etDominico Bartolini ejusdem Sacrae CongregationisSecretario, Acta haec exarante, solemniter decrevit, Tuto procedi posse ad Canonisationem Beati Michaelis de Sanctis; plumbique sphragide munitas Litteras expediri jussit de Canonisatione in Patriarcali Basilica Vaticana pro temj)ore celebranda. Quae tot votis expetita ut demum perficiatur universus SS. Trinitatis Fratrum discalceatorum Ordo etiam atque etiam efflagitat.