Kalocsai Főegyházmegyei Körlevelek, 1861
Index
31 Nr. VI. Allocutionis a Sanctissimo Domino nostro Pio Papa IX. in secreto Consistorio die 18-a pr. m. a. c. habitae exemplar hodierno die mihi redditum , in subnexis paribus eo potissimum fine bisce communico , ut exinde tum continuata ad versus Christi in terris Yicarium ac ipsam catholicam Ecclesiam nefaria sacrilegaque molimina, tum inconcussa inter quasvis tribulationes pientissimaque Suae Sanctitatis sensa manifesta reddantur. Est autem praeattactae Allocutionis tenor sequens : SANCTISSIMI DOMINI NOSTRI Pll DIVINA PROVIDENTIA PAPAE IX. ALLOCUTIO HABITA IN CONSISTORIO SECRETO DIE XVIII. MARTH MDCCCLXI. VENERABILES FRATRES ! Iamdudum cernimus, Venerabiles Fratres, quo inisero sane conHictu ob invieem pugnantia inter veritátem et errorem, inter virtutem et vitium, inter lucem et tenebras principia, hac miserrima nostra praesertim aetate civilis exagitetur societas. Namque alii ex una parte tuentur quaedam modernae, uti appellant, civilitatis placita, alii ex altera iustitiae sanctissimaeque nostrae religionis iura propugnant. Ac primi postulant, ut Romanus Pontifex cum Progressu, cum Liberalismo , uti vocant, ac recenti civilitate se reconciliet et componat. Alteri vero merito efflagitant, ut immobilia et inconcussa aeternae iustitiae principia integra et inviolata custodiantur , et saluberrima divinae nostrae religionis vis omnino seryetur, quae et Dei gloriam amplificat, et opportuna tot malis, quibus humánum genus affligitur , affért remedia, quaeque est unica veraque norma , qua filii hominurn in hac mortali vita omni virtute instituti ad beatae aeternitatis portum perducuntur. Sed hodiernae civilitatis patroni huiusmodi discrimini haud acquiescunt, quandoquidem sese veros et sinceros religionis amicos affirmant. Ac Nos fidem eis adbibere vellemus nisi tristissima sane facta, quae ante omnium oculos quotidie versantur, contrarium prorsus ostenderent. Et quidem una est vera ac sancta super terram religio ab ipso Christo Domino fundata et instituta, quae virtutum omnium fecunda parens et altrix, ac vitiorum expultrix, et animorum liberatrix, veraeque felicitatis index, appellatur Catholica Apostolica Romana. Quid autem sentiendum de iis, qui extra lianc salutis arcam vivunt, iam alias declaravimus in Consistoriali Nostra Allocutione diei 9. Decembris anni millesimi octingentesimi quinquagesimi quarti, atque hic eamdem doctrinam confirmamus. Iam vero ab iis, qui pro religionis bono Nos ad hodiernae civilitati dexteram porrigendam invitant, quaerimus utrum facta talia sint, quae Christi hic in terris Vicarium ab Ipso ad coelestis suae doctrinae puritatem tuendam, atque ad agnos 'ovesque eadem doctrina pascendas et confirmandas divinitus constitutum possint inducere, ut sine graNr. 443. Allocutio Summi Ponti ficis.
