Kalocsai Főegyházmegyei Körlevelek, 1861

Index

speritatem ducit sémita devient et ab unica, quae ipsis in medio quarumvis tempestatum navigantibus suppetit salutis tabula elongentur. Et sane non absque gravi et fundata causa haec ad Vos dirigimus verba; cum ex praepostere intellecto libertatis et aequalitatis conceptu ortam altiorum auctoritatum vilipensionem, legum contemtum et inobedientiam, facilemque ad laedenda et violanda aliena jura propensionem hincinde invalescere eo graviore cum animi dolore experiamur, quo certius funestiusque est, non deesse etiam malevolos agitatores, qui ubique ferme locorum in vestimentis ovium circumeunt, intrinsecus autem sunt lupi rapaces (Matth. 7, 15) libertatem promittentes. cum ipsi servi sunt corruptionis (II. Petr. 2, 19.). Vestrum itaque est, Fratres Filiique dilectissimi, quavis opportuna occasione fidelibus rectos ingenerare libertatis et aequalitatis conceptus; illis obedientiae erga legitimas quasvis auctoritates officium, legum reverentiam et proprietatis sanctimoniam, sine quibus nulla dari potest securitas et prosperitás, exponere ; Yestrum est inconcussam Augustissimo Imperátori et Regi nostro Apostolico servare fidem, hancque in animis fidelium Vestrorum alere, sedulamque exhortationis operám eo etiam convertere, ut paterna illius in Regni salutem suscepta consilia ab omnibus cum gratitudine agno^cantur, communia item onera et tributa, sine quibus publica administratio subsistere nequit, promte íerantur ac depenpantur, inculcantes eis, ut juxta Apostoli monitum Deum timeant, Regem honoriíicent (I. Petr. 2, 17), reddantque omnibus debita : cui tributum, tributum, cui timorem, timorem, cui honorem, honorem (Rom. 13, 7); et cum non sit potestas, nisi a Deo, eum qui potestati resistit, ipsi Deo resistere damnationemque sibi acquirere (Rom. 13, 2), hancque esse voluntatem Dei, ut subjecti simus omni humanae creaturae propter Deum (I. Petr. 2, 13, 59). Vestrum est , totis viribus in id contendere, ut gregem Vestrum contra falsos prophetas qua doctrina, qua consilio praemuniatis; ne videlicet fideles Vestri sint ceu parvuli fluctuantes in fide, et circumferantur omni vento doctrinae in nequitia hominum, in astutia ad circumventionem erroris (Ephes. 4, 14); illosque crebrius adhortemini, ut charitatem sectentur, pacem inquirant et quae charitatis ac pacis sunt sedulo exequantur, cunctisque dissensionibus, inimicitiis, aemulationibus et simultatibus plene exstinctis omnes se mutua charitate diligant atque in eodem sensu, in eadem sententia perfecti sint et idem unanimes scntiant, idem dicant, idem sapiant in Christo Jesu Domino nostro. Memineritis autem nihil esse, quod alios magis ad pietatem et Dei cultum assidue instruat, quam eorum vita et exemplum, qui se divino ministerio dedicarunt (Conc. Trid. Sess. 22. Cap. 1. de i-eform.) ac teste experientia cujusmodi sunt Saccrdotes, ejusmodi plerumque esse et populum : quare hortamur Vos, Fratres Filiique dilectissimi, atque obsecramus in visceribus Jesu Christi, ut digne ambuletis vocatione Vestra, qua vocati estis, cum omni humilitate et mansuetudine, cum patientia; solliciti servare unitatem spiritus in vinculo pacis (Ephes. 4, 1 — 3); ut exhibeatis corpora vestra hostiam viventem, sanctam, Deo piacentem; et nolite conformari huic seculo, sed reformamini in novitate