Kalocsai Főegyházmegyei Körlevelek, 1858

Index

Pia Consociatio, quae sensu mearum ddo 31-ae Mártii a. c. Nr. 536 Circularium litterarum pro sublevandis in Oriente, cumprimis in Türcia Catholicis sub patrocinio Immaculatae Conceptionis Beatae Mariae Yirginis coaluit, quemadmodum jam anno prioré Altissimam Suae Caesareo-Regiae Apostolicae Majestatis approbationem obtinuit, ita nunc etiam a Sua Sanctitate Pio IX. Pontifice Maximo perinde coníirmata est per Apostolicum Breve ddo 25-ae Junii a. c. editum sequentis tenoris : „Pius PP. IX. ad perpetuam rei memóriám. Cum, sicuti renunciatum est Nobis, Yindobonae in Austria pium Sodalitium sub patrocinio Mariae Yirginis Deiparae sine originali labe Conceptae adCatholicum nomen per Orientem praesertim propagandum, illudque coelesti ope jugibus precibus implorata per eas regiones sospitandum, tuendum, canonice constiterit; Nos ut Sodalitium hujusmodi majora in dies juvante Deo, suscipiat incrementa; de Omnipotentis Dei misericordia ac BB. Petri et Pauli App. ejus auctoritate confisi, omnibus et singulis Christiíidelibus, qui Sodalitio hujusmodi nomen dederint suum, quo die primum in illud cooptati fuerint, et die respective anniversario, si vere poenitentes et confessi ac S. Communione refecti fuerint, quo die praedictorum id egerint, Plenariam : ac tani adscriptis quam pro tempore adscribendis eidem Sodalitio Christiíidelibus in cujuslibet eorum mortis articulo, si vere poenitentes et confessi ac S. Communione refecti, vei quatenus id facere nequiverint, saltem contriti Nomen Jesu ore, si potuerint, sin minus corde devote invocaverint, etiam Plenariam: nec non eisdem nunc et pro tempore existentibus e memorato Sodalitio Christiíidelibus vere pariter poenitentibus et confessis ac S. Communione refectis, qui aut propriam Sodalitii Ecclesiam, aut respectivam Parochialem festivitate titulari Conceptionis Immaculatae Deiparae Virginis Mariae a primis vesperis usque ad occasum solis diei hujusmodi singulis annis devote visitaverint, ibique pro Christianorum Principum concordia, haeresum exstirpatione, ac S. Matris Ecclesiae exaltatione pias ad Deum preces effuderint, Plenariam similiter omnium peccatorum suorum indulgentiam et remissionem in Domino concedimus. Praeterea dictis Sodalibus, qui pietatis opera, quae modo recensuimus quatuor per annum festis diebus, eorundem Sodalium arbitrio eligendis et per Ordinarium adprobandis, corde saltem contriti cum Domino praestiterint, septem annos, totidemque quadragenas : quotiescumqne vero quodlibet pium opus ex instituto persolverint, dummodo corde item contriti, ut moris est oraverint, sexaginta dies de injunctis eis seu alias quomodolibet debitis poenitentiis in forma Ecclesiae consueta relaxamus. Quas omnes et singulas Indulgentias, peccatorum remissiones, ac poenitentiarum relaxationes etiam Animabus Christiíidelium, quae Deo in charitate conjunctae ab hac luce migraverint, per modum suffragii applicari posse impertimus. In contrarium facientibus non obstantibus quibuscumque. Praesentibus perpetuis futuris temporibus valituris. Dátum Romae apud S. Petrum sub annulo Piscatoris die XXV. Junii MDCCCLVIII. Pontificatus Nostri Anno Decimotertio. (L. S.) Pro Dno. Card.Macchi Jo. B. Brancaleoni Castellani m. p." Nr. 1918. Pia Societas ad sublevandos in Oriente Catholicos a Sede Apostolica probata.