Kalocsai Főegyházmegyei Körlevelek, 1858

Index

80 Nr. 1594. Militiae obnoxii ante completum 22-um aetatis annum ad matrimonium non admittendi. Quamvis novissimae legis circa redintegrandum caesareo-regium exercitum Altissimis ddo. 29-ae Septembris a. c. Patentalibus editae et a 1-a affuturi mensis Novembris die in universa monarchia Austriaca vigorem nacturae tenores Dioecesis meae Clero aliunde notos esse existimem, in quantum nihilominus eadem lex relate ad juvenum in prima et secunda aetatis classe pro militia statuendorum matrimonia positivam continet prohibitionem: hanc a cunctis Curatis districtim observandam praesentibus quoque publicare constitui. Provocatae nimirum legis cap. 1. §. 8. statuitur : „Qui a militandi obligatione legitimé exemtus, vei pro militia manifeste (§. 26.) aut sensu declarationis a commissione statutoria editae perpetuo inhabilis non est, ante superatam secundam ad militiam conscriptorum aetatis classem matrimonium inire prohibetur." „Matrimonialem hujusmodi indultum in casu subversantium peculiari consideratione dignorum adjunctorum per modum exceptionis concedere potest Locumtenentia; hujusmodi tamen indultus nullám tribuit durante prima et secunda aetatis classe a statutionis obligatione exemtionem." Porro cap. 10. §. 44. disponitur : „Qui cum praevaricatione vetiti §. 8. contenti matrimonium iniverit, in ea, ad quam pertinet aetatis classe citra sortilegium statuetur; si vero pro milite idoneus non fuerit, tunc secundum tenores §. 35. civilis Legis matrimonialis Catholicorum et §. 507. poenalis legum codicis punietur." „Ilii, qui prohibito hujusmodi matrimonio sua culpa cooperati fuere, pecuniaria centum florenorum valutae Austriacae mulcta pauperum fundo addicta vei pro ratione adjunctorum captivitate unius mensis punientur, si autem Status Officiales fuerint, secundum officii statuta contra ipsos procedetur." Quapropter Curati ab ejusmodi juvenibus, qui vigesimum secundum aetatis annum necdum compleverunt, nec illis, qui supradictae legis capite 4. §§—is 13-o usque 22-um, et capite 5. §. 26. ab obligatione militandi immunes declarantur accenseri possunt, neque matrimoniali indultu, sensu §. 8. a Locumtenentia duntaxat concedi queunte provisi sunt, matrimonialiter copulandis posthac sollicite cavere noverint. Coloczae, die 25-a Octobris 1858. Josephus m. p. Archi-Episcopus.