Kalocsai Főegyházmegyei Körlevelek, 1858

Index

Tandem hanc dissertationem concludimus similitudine a dogmate de immaculata conceptione B. M. Yirginis ducta. Sicut nempe hic fidei articulus ab Ecclesia aemper fűit creditus, quamvis per nonnullos ante decisionem dogmaticam controversus, quia traditio illis non fait indubitate cognita: sic veritas inspirationis omnium 27 librorum n. t. omni tempore fűit ab Ecclesia credita, licet aliquamdiu per aliquos fuisset controversa, donec traditio apostolica Ecclesiae auctoritate infallibili omnibus innotesceret. III. Exponatur evangelium Domin. XXIV. post Pentecosten Matth. 24, 15 — 35. Et quidem adsignetur occasio huius sermonis prophetici; ex occasione vero determinetur eius sensus; in genere quidem de quot et quibus eventibus loquitur Christus Dominus? Ubi desinit loqui de uno, et incipit dicere de altero? — In specie: cur v. 20. monet orare contra fugám in hyeme vei Sabbato? qualis breviatio dierum intelligitur v. 22? quis sensus v. 28-vi? quae generatio intelligenda v. 34-to? Christus Dominus in suo sermone ad turbas et discipulos habito Matth. 23, 38. praedixit excidium urbis Jerusalem. Discipuli eius contristati ob ruinam talis urbis et imprimis templi, tardius accesserunt ad eum, ut ostenderent ei aedificationes templi Matth. 24, 1. et sic eum permoverent ad structuras adeo magnificas ab interitu salvandas. Sed ipse iterum praedixit destructionem urbis et templi v. 2. V. 3. Sedente autem eo super montem Oliveti interrogant eum : Dic nobis, quatulo haec erunt, quae dixisti de excidio urbis, et quod signum adventus tui secundi ad iudicium extremum, et consummationis saeculi? Ad semel interrogant eum de utroque excidio, nempe urbis et orbis , item de extremo iudicio, arbitrati haec omnia eodem tempore eventura. Quia ergo confuse de utroque interrogant Dominum, ipse quoque de utroque ad semel respondet eis teste S. Hier. Aug. Beda, nolens eorum opinionem corrigere, ut ad omnes hos eventus semper essent parati. Hinc quae praedicit, magna ex parte possunt de utroque excidio intelligi et exponi; nec mirum, cum unum alteri quoad circumstantias sit admodum simile, et ideo excidium urbis haberi possit pro typo excidii orbis. Nihilominus verosimillima est illa expositio, quae asserit Christum Dominum a v. 4—14 loqui communiter de signis remotioribus utriusque excidii; nam ea ante excidium urbis reapse contigcrunt testibus historicis, ante excidium vero orbis pariter evenient testibus prophetiis Danielis cap. 11. et Apocalypseos cap. 11—13. A v. 15—20 loquitur de excidio urbis. A v. 21 — 26 de signis proximis excidii urbis, quamvis eadem eventura sint etiam proxime ante excidium orbis, proin de hoc intelligenda sunt. A v. 27—35 loquitur de ipso excidio orbis. Quae magis patcbunt ex ipsa evangelii expositione. V. 15. Sermo est de excidio urbis : Cum ergo videritis — ab exercitu Romanorum circumdari Jerusalem, ut habét S. Luc.21,20. et abominationem detolationis i. e. abominabilem desolationem, quae dicta est a Daniele propheta Dan. 9, 26 —27. 11, 30 —32. stantem Jfr. III. 2.