Historische Blätter 5. (1932)
Johann Zeno Goëss: Elf Briefe König Ferdinands I. an seinen Feldhauptmann Hans Katzianer
auch unser genedigs begern und bevelh, das du auf diselbigen mit dem vleissigisten und embsigisten umb antwurt anhaltest und sollicitierest und, sobald dir etwas zuekumt, uns bey tag und nacht eilends zue- schickest. Von wegen des graven zu Sarin Hessen wir uns dein guetbe- dunken, damit er zu gefannknus bracht werden könnt, genediglich und wol gefallen, wir heten des auch gegen und zu im, wie du selbst meldest, genuegsamen fueg und ursach, du magst auch daz also in geheim versuchen und ime, wie du anzaigst, nachstellen, ob du in möchtest zu unser fengnuss bringen, doch dermassen, daz die handlung gewislichen in fur- gang und würchung kumb und er in fengnus bracht werd, dann sonst, wo es fälet und er des sollt gewar werden, so wär es zur verhuetung merers ybls und anderer seiner pösen practiken und handlungen pesser zuvor underlassen, darinnen wir zu dir unser genedigs vertrauen haben. Und soferr er zu fengnuss käme, möchtest du von stund an zum tail der Ursachen in die gemain allenthalben ausbraiten und anzaigen lassen, nämlichen daz er sich graf Carlowith 14 gueter understanden, die andern rechten erben der mit gewalt entsetzt, auch des, so uns zugestanden ist, underzogen und eingenomen, daz er di münz anderst, weder wir im durch unser instruction aufgelegt und zugelassen, geslagen und gefelscht und daz er auch die turggen, unsers christlichen glaubens feind, in unser land und über unser underthanen gefurt, inen furschub und hilf bewisen hat, wie du daz und anders wirdest wissen pests fuegs zue thun. Des Thurzo 15 halben haben wir dir diser tag geschriben, darauf wir dein antwurt warten oder zu deiner ankunft mit den ausschüssen mit dir weiter davon handeln wellen, dann in gen Lynntz zu vordem diser zeit aus merklichen Ursachen einer besten stelung, die in Hungern fur- genomen ist und wir in dabey gebrauchen, nit sein, des wir doch sonst, wo es an desselbig wer, gethan heten und er erfordert gewesen ist. Das alles wollten wir dir genediger maynung nit verhalten. Geben in unser stat Ynnsprugg den 12ten Tag Decembris anno etc. im 31, unserer reiche des remischen im ersten, des hungrischen im funfften und behaimischen im sechsten. Ferdinand. Vidít Bernhardus Ad mandátum domini regis proprium: cardinalis Tridentinus. A. Adler. 14 Johann Graf von Karlovic, Banus von Kroatien etc., vgl. Anm. 10. 15 Vgl. Anm. 11. 3* 35
