Memoria Rerum – Tanulmányok Bán Péter tiszteletére (Eger, 2008)
Tóth Péter: Kiadatlan oklevelek a Jászság középkori történetéhez
Tóth Péter: Kiadatlan oklevelek a Jászság középkori történetéhez 623 ob hoc nos litteras nostras super ipsa statutione relatorias pure et sine contradictione praefato exponenti extradare tandem recusaveramus. Tarnen ex quo regia maiestas mediantibus praescriptis litteris suis praeceptoriis nobis rescripsit et mandavit, de praemissa contradictio de jure et approbata huius regni consuetudine locum non haberet, ideo nos litteras nostras super praescripta statutione relatorias praefato exponenti pure et sine omni contradictione extradare et emanari facere debeamus, nos mandatis prafati domini nostri regis satisfacere volentes, litteras nostras super praemissa statutione in forma consueta ecclesiae nostrae praefato exponenti sine omni dolo et fraude dedimus in haec verba. Omnibus Christi fidelibus praesentibus, pariter et futuris, praesens scriptum inspecturis capitulum ecclesiae Agriensis salutem in omnium Salvatore. Ad universorum notitiam harum serie volumus pervenire, quod nos litteras serenissimi principis domini Ludovici, Dei gratia regis Hungáriáé et Bohemiae, etc. domini nostri gratiosissimi introductorias et statutorias nobis praeceptorie directas summo cum honore recepimus in haec verba. Ludovicus Dei gratia rex Hungáriáé et Bohemiae, etc. fidelibus nostris capitulo ecclesiae Agriensis salutem et gratiam. Cum nos tum ad nonnullorum fidelium nostrorum humillimae supplicationis instantiam per eos pro parte fidelis nostri nobilis Lucae Ficzor viceprovisoris curiae nostrae Vissegradiensis maiestati nostrae factam, tum vero attentis et consideratis fidelitate et servitiis eiusdem Lucae Ficzor per eum imprimis sacrae huius regni nostri Hungáriáé coronae, tandem serenissimo principi quondam domino Wladislao regi, genitori nostro charissimo piae reminiscentiae et deinde maiestati nostrae cum omni fidelitate et constantia exhibitis et impensis, capitaneatum possessionis nostrae Agho vocatae, in comitatu Hevesiensi existentis habitum, quem alias nobilis quondam Clemens de eadem Agho ex collatione et donatione praefati genitoris nostri habuisse et possedisse dicitur, nunc jam per mortem et defectum seminis eiusdem condam Clementis ad maiestatem nostram rursus devolutum, simul cum cunctis suis obventionibus, proventibus et emolumentis legitimis et ab antiquo de jure consuetis memorato Lucae Ficzor, ipsiusque heredibus et posteritatibus universis eo jure, iisdemque conditionibus, quibus capitaneatum ipsum praefatus quondam Clemens tenuit et habuit, vigore aliarum litterarum nostrarum donationalium superinde confectarum in perpetuum contulerimus, velimusque eundem in dominium eiusdem per nostrum et vestrum homines legitime facere introduci. Super quo fidelitati vestrae harum serie firm iter praecipientes mandamus, quatenus vestrum mittatis hominem unum testimonio fidedignum, quo praesente Joannes de Kereztur, seu Michael de Nadasd, sin Stephanus de Besenieudh, sive Melchior de Bod, neve Michael de Darocz, nam Ladislaus de Rede, aut Paulus de Thenk, aliis absentibus homo noster ad facies praescriptae possessionis Ago, consequenterque capitaneatum in eadem habitum vicinis et commetaneis eiusdem universis inibi legitime convocatis et praesentibus accedendo, introducat praefatum Lucam Ficzor in dominium dicti capitaneatus, statuatque eundem eidem simul cum cunctis suis utilitatibus, obventionibus, proventibus et emolumentis legitimis ac ab antiquo de jure consuetis praemissae nostrae donationis
