Memoria Rerum – Tanulmányok Bán Péter tiszteletére (Eger, 2008)
Tóth Péter: Kiadatlan oklevelek a Jászság középkori történetéhez
622 Agó kapitányságának a birtokába; az iktatás a királynak az 1516. június 3-án, Budán kelt parancslevelére történt, amely ugyancsak át van írva az oklevélben. Újkori egyszerű másolat. Jelzete: Magyar Országos Levéltár, Dl. 67 368. sz. (Korábban az oklevelet a Magyar Nemzeti Múzeum levéltárában őrizték, ahová a gróf Teleki család nagyzabláti levéltárából került.) Omnibus Christi fidelibus praesentibus, pariter futuribus, praesens scriptum inspecturis capitulum ecclesiae Agriensis salutem in omnium Salvatore. Ad universorum notitiam harum serie volumus pervenire, quod nos litteras serenissimi principis domini Ludovici, Dei gratia regis Hungáriáé et Bohemiae, etc. domini nostri gratiosissimi praeceptorie nobis directas summo cum honore recepimus in haec verba. Ludovicus Dei gratia rex Hungáriáé et Bohemiae, etc. fidelibus nostris capitulo ecclesiae Agriensis salutem et gratiam. Exponitur nobis in persona fidelis nostri Lucae Sándor de Bereny, quod quamvis idem exponens his superioribus temporibus vigore certarum litterarum statutoriariorum per nostrum et vestrum homines in dominium cuiusdam capitaneatus in possessione Agho vocata, in comitatu Hevesiensi existente habiti se legitime introduci et eundem pro se statui fecerit, nullo penitus contradictore in facie ipsius possessionis Agho et expost etiam coram vobis infra quindenam huiusmodi statutionis apparente. Tamen vos nescitur, quibus respectibus, favore forte partis alterius allecti litteras vestras super huiusmodi statutione vestra relatorias eidem exponenti pure et sine contradictione extradare nolletis, alligantes post vigesimum diem eiusdem statutionis per aliquos contradictionem factam extitisse. Quae cum de jure et approbata regni nostri consuetudine locum non habeat, fidelitati igitur vestrae harum serie firmiter praecipientes mandamus, quatenus acceptis praesentibus et praemissis suo modo sic habentibus, litteras vestras super praescripta statutione relatorias praefato exponenti pure et sine omni contradictione jurium eiusdem ad cautelam extradare et emanari facere debeatis et teneamini, caventes tamen, ne fraus et dolus in hac parte eveniat aliqualis. Secus non facturi. Praesentibus perlectis exhibenti restitutis. Datum sabbatho proximo post festum Beati Gregorii papae, anno Domini millesimo quingentesimo decimo septimo. Quibus quidem litteris praeceptoriis receptis, licet neque loco et tempore praemissae statutionis, neque etiam expost infra quindenam eiusdem statutionis coram nobis aliqua contradictio per quempiam super huiusmodi statutione facta fuerit, sed quia exquo praefatus Lucas exponens propter suam ineunte decimo die huiusmodi statutionis, termino scilicet, in quo litterae relatoriae super dicta statutione sine contradictione facta juxta antiquam ecclesiae nostrae consuetudinem excipi et extradari debuissent, sed et etiam expost infra certos dies litteras nostras relatorias super ipsa statutione a nobis excipere neglexisset, sicque per praefatum Lucam exponentem litteris nostris relatoriis super statutione temerarie a nobis necdum receptis, vigesimo secundo die scilicet diei huiusmodi statutionis per nobiles dominam Catharinam relictam quondam Antonii Cheh, filiam videlicet quondam Pauli filii olim Stephani de Agho et Antonium filium eiusdem dominae Catharinae statutioni huiusmodi coram nobis contradictio facta extitit,
