Memoria Rerum – Tanulmányok Bán Péter tiszteletére (Eger, 2008)

Tóth Péter: Kiadatlan oklevelek a Jászság középkori történetéhez

618 Capitulum ecclesiae Budensis omnibus Christi fidelibus, praesentibus pariter et futuris, praesentium notitiam habituris salutem in salutis Largitore. Ad universorum notitiam harum serie volumus pervenire, quod nos litteras serenissimi principis domini Mathiae, Dei gratia regis Hungáriáé, Dalmatiae, Croatiae, etc. reambulatorias nobis directas reverentia, qua decuit recepimus in hac verba. Mathias Dei gratia rex Hungáriáé, Dalmatiae, Croatiae, etc. fidelibus nostris capitulo ecclesiae Budensis salutem et gratiam. Dicitur nobis in personis fidelium nostrorum magnificorum comitum Ladislai de Palocz judicis curiae nostrae, ac Joannis et Stephani de eadem Palocz, quomodo quaedam possessio ipsorum Ivany vocata, in comitatu Hevesiensi existens et habita, apud manus ipsorum pacifice existens legitima reambulatione et metarum erectione ac renovatione plurimum indigeret. Super quo fidelitati vestrae firmiter praecipientes mandamus, quatenus vestrum mittatis hominem pro testimonio fidedignum, quo praesente Benedictus de Peczel de curia nostra regia per nos ad id specialiter transmissus ad faciem praedictae possessionis Ivany, vicinis et commetaneis eiusdem universis inibi legitime convocatis et praesentibus accedendo, reambulet eandem per suas veras metas et antiquas, novas juxta veteres in locis necessariis erigendo, reambulatasque et ab aliorum juribus possessionariis metaliter separatas et distinctas reliquat praefatis comiti Ladislao ac Johanni et Stephano de Palocz, statuatque easdem eisdem simul cum cunctis suis utilitatibus et pertinentiis quibuslibet praemisso jure perpetuo possidendas, si non fuerit contradictum. Contradictores vero si qui fuerint, evocet ipsos contra annotates comitem Ladislaum ac Johannen! et Stephanum de dicta Palocz nostram personalem in praesentiam ad terminum competentem rationem contradictionis eorum reddituros. Et posthaec huiusmodi possessionariae reambulationis ac metarum erectionis et statutionis seriem cum cursibus metarum inibi erigendarum, vicinorumque et commetaneorum, qui praemissae reambulationi intererunt, contradictorumque et evocatorum, si qui fuerint, nominibus ettermino assignato eisdem nostrae personali praesentiae fideliter rescribatis. Datum in Alba Regali, feria secunda proxima post festum Beatae Margaretae virginis et martyris, anno Domini millesimo quadringentesimo sexagesimo sexto, regni nostri anno nono, coronationis vero tertio. Nos itaque mandatis praefati domini nostri regis in omnibus obedientes, uti tenemur, una cum praenominato Benedicto de Peczel homine suo regio de curia sua regia ad id specialiter transmisso nostrum hominem, videlicet discretum Valentinum presbyterum, rectorem altaris Sanctae Crucis in dicta nostra ecclesia fundati ad praemissam reambulationem, metarum erectionem et statutionem faciendam nostro pro testimonio fidedignum duximus destinandum. Qui tandem exinde ad nos reversi, nobis conformiter retulerunt, quod ipsi in vigilia festi Assumptions Beatissimae Virginis Mariae proxime praeteriti ad facies dictae possessionis Ivany, vicinis et commetaneis eiusdem universis inibi legitime convocatis, praesentibusque Petro Beke, Luca Horváth, Johanne similiter Horváth capitaneis de descensu Apathyzallas, necnon egregio Nicoiao Compolth de Nana, Benedicto et Johanne de Chaz, Thoma de Rechk, Benedicto filio eiusdem, item a parte descensus Keser Gregorio, domina relicta