Bél Mátyás: Heves megye ismertetése 1730–1735 - A Heves Megyei Levéltár forráskiadványai 8. (Eger, 2001)

KÜLÖNÖS RÉSZ - II. szakasz A járás városai és mezővárosai

Sectio III. De pagis et vicis hujus processus... §. 1. ...in dextra parte Tibisci 1. Ivánka exilis pagellus in ripa Agriae semihorii itinere dissitus a Poroszló in occidentem, [supra Poroszlonem], Vix Septem domibus constat. Subest imperio Stephani Orczy. 2. Sarud revera pagellus lutulentus, ut aliquantisper vox innuit. Adjacet Tibisco minutiori in occidentem Kis-Tisza mellett, ideoque crebro inundatur adeo, ut Venetiarum instar aquis inclusus haereat. 3. Tiszanana pagus antistitis Agriensis in eadem ripa [inferius] Tibisci, qua fluit dextra. Copiosos habet incolas, templo et plebano instructos, foretque non postremus, nisi aquis inundaretur. 4. Kis Köre ob parem exundationum frequentiam meris saepe aquis insidet, multoque pagus priori vilior est tametsi vix semihorio ab eodem distet in occidentem in eadem Tibisci ripa. Ejusdem quoque ditionis antistitis est. 5. Pély uno fere milliari distat a priori in occidentem meris nunc immersus aquis, quamvis alioquin a Tibisco longius absit et solo polleat pingui et foecundo, pertinet ad ditionem Popovicsianum, cui illic [foecunda] piscatura est. 6. Kőtelek ejusdem ditionis quamvis et Almasi [Joannes Almásy] suam portionem possideat. Mediocris pagus est agris, pratis et salicibus praeditus [abundans est]. Gaudet et templo et plebano. 7. Körö distat a priori horae unius itinere versus meridiem in sinu Tibisci, ideoque sunt ei quaedam saliceta, multisque exundationibus vexatur, neque potest emergere, quin maneat statu in misero paupertatis. Est familiae Nyárianae, paretque Stephano Orczy. 8. Szent Iván recedit a priori in occidentem prouti Tibiscus flexum instituit exmittitque eo loco ramum quempiam lacuosum, longe lateque se diffundentem, quem Hungari ob altitudinem Mélyér vocant, a quo non parum damni habet et emolumenti, nam piscibus affluit, tametsi agros crebro effundat. Possidetur a meris nobilibus. [Possidetur familia Nyáryána, et ab iis a quibus et habitatur.] 9. Alattyán revertitur in occidentem duorum milliarium discrimine in ripa Zagyvae inter Jazigum pagos Mihálytelke, quod superius et Szent György inferius accedunt, vicus est exilis exiguo territorio coactus, et ut anno 1730. [vidimus] exundationis obnoxio, subest jurisdictioni patrum oridinis Cisterciensium, qui in Jánoshidjensi vicina hinc habitant praepositura. [Respicit impérium ordinis patrum Praemonstratensium praepositurae Jánoshidgyensis.] 174