A Hajdú-Bihar Megyei Levéltár évkönyve 30. 2004-2005 (Debrecen, 2005)

Forrásközlések - Gorun-Kovács Blanka: A diószegi és székelyhídi görög-katolikus kereskedők 1740-es császári oklevele

250

sub vexillo sibi proxime comparando, sub poena duorum florenorum in bonum suae ecclesiae convertendorum, interessé, ac taliter cum omni pietate et moderatione sacrosanctum eucharistiae sacramentum, iuxta ritum sanctae romanae ecclesiae comitari obligabuntur. Qui sanctissimi sacramenti cultus ut eo accuratius annuatim observatur, in suam societatem ex sua natione neminem, nisi cum sancta romana ecclesia unitum, ex alterius autem notionis regni accolis et patriae civibus, si praescriptam societatem ingredi voluerint, catholicum duntaxat recipere praesument.

Articulus secundus. Cum similia societatum et contuberniorum privilegia non extraneis, verum veris et stabilibus regni accolis clementer concedi assolerent, praementionati itaque quaestores, ac etiam alii in futurum huic ei societati semet incorporare cupientes, extraneae cuicunque iurisdictioni instantanee renunciare. Uxores et proles si quas nefors sub extraneis iurisdictionibus actu haberent, easdem abinde efferre, taliterque incolatum suum stabilire, onus praeterea publicum ad instar aliorum contribuentium pro ratione facultatum suarum proportionate sufferre, dependentiamque omnimodam, in dominalibus quidem dominio, in politicis autem et contributionalibus comitatui, cui adiacent, exhibere tenebuntur.

Articulus tertius. Quod autem merces et earum qualitatem respicit, praeli- batae societati sericeas et ex lanae, auro item et argento contextas, holosericeasque res, prout et cuiuscunque generis et qualitatis telam, patyolat, seu flor nuncupatam ac alias communes et simplices quaesturae deservientes materias, ex regnis et vicinis provinciis, in quantum potissimum ea in regno comparari nequirent, praestitis tamen in officiis tricesimarum et teloniorum praestandis in hoc regnum, et etiam principatum Transylvaniae inducere easque per petias et ulnas divendere integrum erit.

Articulus quartus. Imo alias quoque merces et aromata ut sunt pyper, cario- phila, liquores, oleum, olivarum, zinziber, poma citrina, saccharum, crocus et his similia aromata, excepto rosolio et cremato, ex omnibus regnis et provinciis in hoc regnum Hungáriáé et principatum Transylvaniae quaestus gratia invehere, ac per centenarios, libras, ulnas, uncias, grossos item et cruciferos seu denarios distrahere et divendere praefata societati licitum erit.

Articulus quintus. Terrigena praeterea seu ex argilla confecta, figulacea instrumenta puta, amphoras albas et simplices patinas, item vitrum diversimode conflatum, cuiuscunque generis et speciei ac coloris, lignea item instrumenta importare, et in foris publicis, ac nundinis, sive in corpore, sive per partes, absque tamen aliorum cehalistarum damno et praeiudicio divendere ac in pecuniam convertere poterit.

Articulus sextus. Et ut antelati mercatores vitam suam facilius sustentare ac etiam aliis in necessitate praesto adesse possint, ferramenta, cultros, falces, ligones, vomeres, clavos item et alia pro quacunque oeconomicali necessitate deservientia, nec non ex cupro, stanno confecta instrumenta, ita tamen ut praescripta ferrea instrumenta nullatenus in arma convertere, et illa hostibus suppeditare ausint, importandi et divendendi facultatem habebit.

Articulus septimus. Cum autem saepenumero in uno eodemque coetu quosdam reperiri, qui ordini inter se instituto et statuto contravenire, imo et dispositiones

Gorun-Kovács Blanka: A diószegi és székelyhídi görög-katolikus...