A Hajdú-Bihar Megyei Levéltár évkönyve 27. 2000 (Debrecen, 2000)
Forrásközlés - Varga Gyula: Bocskai István Kismarjának adott privilégium levelének néhány tanulsága
articulis, clausulis, pariter legibus, institutis, ritibus et consuetudinibus antiquitus et nouiter pro tempore receptis et instituendis absque tergiuersatione omnimode obtemperare et obedire debeant et teneantur. Alioquin mediante aestimatione huiusmodi refractariorum et rebellium quaslibet haereditates et domos liberum sit Judici e’ medio ipsorum, summa aestimationis persoluta, tales amouere annotatasque domos et haereditates, cui maluerit, pro arbitrio communitatis diuendere. Serptimo. Quilibet aduena et indigena dum et quandocunque in coetum dictae communitatis voluerit annumerari eidemque se incorporare et coadunare sedemque suam pro arbitrio ibidem figere, litteras originis honestaeque stirpis suae et familiae testimoniales producere, ad omnia eiusdem Oppidi Priuilegia, indulta, libertates, immunitates, praerogatiuas, leges, ritus et consuetudines illésé (=illaese) obseruanda, item quaelibet onera, difficultates et seruitia, prospera vicissim et aduersa, porroque pro ratione temporis in quouis casu publice impendentia aequaliter cum ipsis subeunda sacramento fidei sese prius nobis et toti communitati astrigendo et coarctando, non alio modo in numerum Oppidanorum referantur. Octauo. Ex quibuscunque Ciuitatibus, urbibus, arcibus, oppidis, villis, pagis et possessionibus, seu denique ex quibussuis terrae plagis et locis cuiuslibet gentis vel nationis coloni seu Jobbagiones in annotatum Oppidum nostrum commoraturi sese contulerint, eosdem ex praetacto Oppido nostro redimendi et ad priora residentiae suae loca retrahendi nunquam et nequaquam ulii, ac ne domino quidem ipsorum terrestri liberum sit, quin eisdem quousque placuerit, eousque liberam, securam et tutam in eodem Oppido, conditionibus sub praeinsertis, residendi habeant facultatem, sed iidem hire Regni obseruato reducantur. Nono. Ne incerto, uti hactenus, in posterum uterentur sigillo, animo deliberato et ex certa scientia liberalitateque nostra Sigillum, imaginem Illustrissimi et fortissimi alicuius Herois, adulta iam aetate proueeti, amictu rubeo pileoque nigro, candidis pennis gruinis, confectis gemmis et unionibus distincte variegatis exornato, induti, ense deauruto succincti, in solio Principali purpru inducto, auro eleganter polito, modesta grauitate, compositis manibus consedentis, ab una frameam districtam, sanguine rubentem, parte vero ab altera clauam deauratam penes se a latere habentis, viuam Principalis dignitatis quasi speciem referentis, in argento vel cupro aut alio metallo 306 __________________________Varga Gyula: Kismarja mezőváros kiváltságlevele
