A Győri Püspökség Körlevelei, 1934

Tartalomjegyzék

1

Nr. 131 Bullae Aposto- licae.

I.

Pius Episcopus, Servus Servorum Dei, venerabili Fratri Stephano Breyer, hactenus Episcopo titulari Trisipensi, electo Episcopo Jaurinensi, salutem et aposto- licam benedictionem. Commissum humilitati Nostrae ab aeterno Pastorum Principe supremi Apostolatus officium, quo universo Christiano orbi praesidemus, onus Nobis imponit diligentissime curandi, ut Ecclesiis omnibus tales constituantur Praesides, qui sibi creditum dominicum gregem salubriter pascere, regere et gubernare sciant ac valeant. Cum itaque ca- thedralis Ecclesia Jaurinensis, metropoli- tanae ecclesiae Strigoniensi suffraganea, per b. m. Antonii Fetser Episcopi obitum suo sit in praesens Pastore destituta, Nos, de venerabilium Fratrum Nostrorum

S. R. E. Cardinalium consilio ac de apo- stolicae potestatis plenitudine, Te a vinculo absolvimus Ecclesiae Trisipensis, cuius titulum hucusque gessisti, et ad illam Ca- thedralem Ecclesiam Jaurinensem transferimus eique Episcopum praeficimus et Pastorem, necnon eiusdem Ecclesiae curam, regimen et administrationem Tibi in spiritualibus ac temporalibus plenarie comit- timus cum omnibus iuribus et privilegiis, oneribus et obligationibus pastorali huic officio inhaerentibus. Volumus autem et mandamus, ut, ceteris impletis de iure servandis, antequam Ecclesiae Tibi modo creditae canonicam possessionem capias, in manibus alicuius quem malueris catholici Antistitis, gratiam et communionem

Sedis Apostolicae habentis, fidei catholicae professionem emittere ac suetum fidelitatis iuramentum praestare iuxta statutas formulas, harumque exemplaria Tui dictique Antistitis subscriptione ac sigillo munita, ad Cancellariam Apostolicam quantocius transmittere omnino tenearis. Firmam autem spem fiduciamque concipimus fore, ut, dextera Domini Tibi assistente propitia, Jaurinensis Ecclesia per tuam pastoralem industriam et studium fructuosum regatur utiliter, ac maiora in dies tum in spiritualibus tum in temporalibus suscipiat incrementa. Datum Romae apud Sanctum Petrum anno Domini millesimo non- gentisimo tricesimo tertio, die decimater- tia mensis Decembris, Pontificatus Nostri anno duodecimo. Fr. Thomas Pius 0. P. Card. Boggiani m. p., Cancellarius S. R. E., Joseph Wilpert m. p. dec. prot. ap., Alfonsus Carinii m. p. Prot. Ap., Alfri- dus Liberati m. p., Cane. Apóst. Adiu- tor a studiis, Alfridus Marini m. p., Plumbator.

Pius Episcopus, Servus Servorum Dei, dilectis Filiis Capitulo Ecclesiae Ca- thedralis, Clero et populo Civitatis et Dioecesis Jaurinensis salutem et apostolicam benedictionem. Hodie Nos, de venerabilium Fratrum Nostrorum S. R. E. Cardinalium consilio ac de apostolicae potestatis plenitudine, venerabilem Fratrem Stephanum Breyer, a vinculo episcopalis Ecclesiae Trisipensis, cuius titulum