A Győri Püspökség Körlevelei, 1929
Tartalomjegyzék
37 Nr.2678. Normae in process. ad praecavendam dolosam personarum substitutionem. VIII. Sacra Congregatio de disciplina sacramentorum. In processibus conficiendis super matrimonio rato et non consummato aliquando malo fato evenire potest, quod quis coram tribunali ad deponendum, aut ad se subiiciendum peritorum examini physicorum sistens, alteram personam in ius vocatam, aut quomodolibet in processu partem habentem, dolo substituat. Praesertim in magnis urbibus, ob tam facilem et frequentem de uno in alium locum transmigrationem, hoc facinus est praecavendum. Haec Sacra Congregatio proinde de sanctitate tanti Sacramenti sollicita, et ne iudicialis inquisitio ad fraudes potius texendas quam ad veritatem dignoscendam inserviat, in huiusrnodi processibus has normas servandas esse decrevit. 1. § 1. Officiales huiusrnodi causis instruendis praepositi in processus instructione de identitate personarum, quae in tribunali sistunt, et in primis oratoris partisque conventae, diligenter inquirant; et ad hoc expostulent appositum documentum a potestate ecclesiastica aut civili rite confectum, in originali aut in authentico exemplari in actis asservandum. § 2. Authenticum exemplar, si singulas personarum notas in huiusrnodi documentis signari solitas referre non valeat, ut puta imaginem arte photografica expressam, eas tamen sedulo referat, quae unam personam ab alia non aequivoce distinguant. § 3. Quod si huiusrnodi documentum haberi non possit, per alia aequipollentia documenta, vel per testes, in tuto ponatur personarum identitas: et huiusrnodi documenta aut attestationes in actis pariter serventur. § 4. Si vero iudex instructor aut vinculi defensor aut actuarius probe noscant oratorem seu oratricem aut partem conventam, praetermisso apposito documento identitatis, de certa qua pollent notitia ipsorum in actis fidem faciant. 2. In iudiciali continuanda inquisitione eaedem cautelae serventur quoad testium personas et peritorum quoque, seu obstetricum. 3. Huiusrnodi cautelas studiosius, prouti qualitas personarum expostulat, observare oportet, quoties aut orator,* aut pars conventa, aut testes, aut periti ex commissione rogatoria apud aliam Curiam excutiendi sint. 4. § 1. Quoties orator vel pars conventa physicum experimentum subire debeat, documenta de personae identitate iam in actis asservata, aut eorum exemplaria dentur peritis aut obstetricibus, ut ipsis bene explorata sit persona examini subiicienda. § 2. Quoties periti, obstetrices aut matrona, respective, quodam in examine partem habentes, personam explorandam personaliter cognoscant, adeo ut sit supervacaneum praefata documenta transmittere, de hac circumstantia in actis fides fiat.
