A Győri Püspökség Körlevelei, 1929

Tartalomjegyzék

IV.

Nr. 952. Stephanus Hász

Ordinarius

Castrensis,

Episcopus

tit.

Surensis.

PIUS EPISCOPUS, Servus Servorum Dei, dilecto Filio Stephano Hász, Dioecesis Jaurinensis presbytero, electo Episcopo titulari Surensi, salutem et apostoli- cam benedictionem, Commissum humilitati Nostrae ab aeterno Pastorum Principe supremi Apostolatus officium, quo universo Christiano orbi praesidemus, Nos impellit, ut curemus, ne memoria pereat illarum Ecclesiarum, quae virtutum splendore ac religionis prosperitate olim floruerunt, etsi modo temporum vicissitudine et injuria pristinam amiserint fulgentem gloriam. Cum itaque titularis Episcopalis Ecclesia Surensis sub Archiepiscopo Hiera- politano in Syria Euphratensi per b m. Blasii Barbie postremi ipsius Episcopi obitum in praesens vacans existat, Nos, de venerabilium Fratrum Nostrorum S. R. E. Cardinalium consilio, volentes Te, Ordinarium Castrensem in Hungária deputatum, ut munus Tibi creditum salubrius obire valeas, charactere et dignitate episcopali decorare, ad praefatam titularem Ecclesiam Surensem Te apostolica auctoritate eligimus ejusque Tibi titulum conferimus cum omnibus juribus et privilegiis, oneribus et obligationibus sublimi huic dignitati inhaerentibus. Volumus autem et mandamus ut, ceteris quoque impletis de jure servandis, antequam episcopalem consecrationem recipias, in manibus ali- cujus quem malueris catholici Antistitis,

gratiam et communionem Sedis Aposto- licae habentis, fidei catholicae professionem emittere ac sueta juramenta praestare juxta statutas formulas, harumque exemplaria, Tui dictique Antistitis subscriptione ac sigillo munita, ad Cancellariam Apostoli- cam infra sex menses transmittere omnino tenearis. Ad hoc Antistiti a Te electo professionem ac juramenta illa Nostro et Romanae Ecclesiae nomine recipiendi munus ac mandatum per praesentes committimus. Datum Romae apud S. Petrum anno Domini millesimo nongentesimo vigesimo nono, die vigesima octava mensis Februarii, Pontificatus Nostri anno octavo. A. L. — Fr. Andreas Card. Frtihwirth Cancellarius S R. E. — Dominicus Jorio Prot. Ap. — Alfonsus Carinii Protonotarius Apostoli- cus. — Alfridus Liberati, Cane. Ap. Adjutor a studiis. — Dominicus Francini, Script. Applicus. — Expedita die decima quinta mensis Martii, Anno „Octavo". — Alfridus Marini Plumbator. L. S.

Pius Episcopus, Servus Servorum Dei, dilecto Filio Stephano Hász, electo Episcopo titulari Surensi, salutem et apostoli- cam benedictionem. Nos Tibi, in Episcopum titularem Surensem hodie a Nobis electo facultatem peramanter concedimus episcopalem consecrationem extra Urbem libere et licite recipiendi ab aliquo quem malueris catholico Antistite, assistentibus