A Győri Püspökség Körlevelei, 1915
Tartalomjegyzék
63 Iris Ecclesiae exaltatione pias ad De uni preces effundant, plenariam omnium peccatorum suorum Indulgentiam ac remissionem consequi valeant: pariterque largimur, ut etiam qua vice religiosarum familiarum pias domos ac coenobia visites, religiosi in ipsis domibus ac coenobiis degentes similem plenariam Indulgentiam lucrari queant. Quoties vero saeculares vel regulares presbyteros ad civitates vel oppida ipsius tuae dioecesis sacra expeditione mittas Evangélium nunciaturos gentibus, concedimus ut fideles, qui respe- ctive ipsarum Missionum curriculum saltem ultra dimidium impleverint, et similiter admissorum sacramentali confessione expiati ac coelestibus epulis refecti, intra earundem spatium Ecclesiam, in qua Missio fiat, ut superius diximus, orantes visitent, etiam plenariam omnium peccatorum suorum Indulgentiam remissionemque valeant in Domino lucrari. Item quoties in ipsa tua dioecesi aliquem utriusque sexus fidelem in mortis articulo constitutum esse contingat, si idem vere poenitens et confessus ac sacra Communione refectus, vel, quatenus id facere nequiverit, saltem contritus nomen Jesu ore, si potuerit, sin minus corde devote invocaverit, et mortem tamquam peccati stipendium submisso animo susceperit, toties tibi facultas esto eidem fideli in momento versanti, a quo pendet aeternitas, per te, vel per aliquem e presbyteris, probitate morum praeditis, saecularibus, aut cuiusvis Ordinis et Instituti regularibus, quos semel vel pluries, et quandocumque opus fuerit, eligendos, delegandos ac deputandos cen sueris, et, quod ad moniales, per illarum confessarium ordinarium, Apostolicam Benedictionem, Nostro et Romani Pontificis pro tempore existentis nomine, parique auctoritate, cum plenaria peccatorum omnium Indulgentia et remissione impertiendi. Praeterea Collegiatas ac Parochia- les Ecclesias in eadem dioecesi sitas, coelestium munerum largitione decorare volentes, id etiam tibi concedimus, ut semel per te ipse, in qualibet ex iisdem parochia- libus et Collegiatis Ecclesiis, unum sive maius, sive etiam in lateralibus Cappelis situm Altare, ad septennium tantum privilegio apostolico augere ac designare queas, pro Missis, quae in eodem celebrentur in suffragium animae vita functi alicuius Christifidelis. Insuper ex veteri more ac venerando Apostolicae Sedis instituto potestatem tibi facimus, ut duabus cuiusque anni sollemnitatibus, idest die Paschatis Resurrectionis Domini, qua festivitate nulla est excellentior, atque alio die festo, arbitrio et voluntate tua deligendo, sollemniter Christiano populo cum plenaria peccatorum omnium Indulgentia ac remissione, pro ritu formulaque praescriptis, (quam quidem formulam ad te transmitti iussimus) post sollemnia Missarum. item Nostro et Romani Pontificis pro tempore existentis nomine, parique auctoritate, benedicere licite possis ac valeas. Denique largimur, ut semel in anno, quo die in tuo Cathedrali templo Communionem generalem indixeris, fideles ex utroque sexu, qui ibidem fuerint Eucha- risticae mensae participes, plenaria, etiam defunctis applicabili, potiri valeant Indulgentia. Non obstantibus contrariis quibuscumque. Hae sunt, Venerabilis Frater, facultates, quibus, durante tuo Episcopali munere, ornatum te volumus. Deus autem bonorum omnium auctor in earum usu det tibi sapientiae atque intellectus spiritum: Nosque coelestium munerum auspicem et voluntatis propensae pignus, Apostolicam tibi Benedictionem peramanter in Domino impertimus. Datum Romae
