A Győri Püspökség Körlevelei, 1914
Tartalomjegyzék
54 November. 5. S. Emerici Conf. dupl. mai. Com. Oct. 15. S. Leopoldi Conf. duplex. Com. S. Gertrudis Virg. December. 15. Octava Conceptionis Immaculatae B. Mariae Virg., duplex mai. Jaurinen. 1.16/1913. Praesens Kalendarium, iuxta Rubricas et Decreta novissima redactum, Sacra Rituum Congregatio, vigore facultatum sibi specialiter a Sanctissimo Domino Nostro Pio Papa X tributarum, revisione rite peracta, recognovit ac probavit, illud- que in tota Dioecesi Jaurinen. adhiberi mandavit: servatis de cetero Rubricis et Decretis, praesertim quoad Festa Dedicationis et Titularis Ecclesiarum nec non Patronorum cuiusque loci. Contrariis non obstantibus quibuscumque. Die 10-a Januarii 1914. (L. S.) Petrus La Fontaine m. p. Ep. Charyst. Jaurini, die 5-a Martii 1914. Nr. 1896 De abolendis commisio- nibus S. Rituum Congr. adiunctis et de novo ordine consultorum pro re liturgica instituendo. PIUS PP. X. Quanta semper cura Decessores Noslri advigilaverint, ut ea qua par est pietate, religione et magnificentia coleretur Deus atque laudaretur in Sanctis suis, facile deprehendant quisquis reputet quae templa ab ipsis excitata fuerint, quae leges ad sacra facienda sancitae, qui denique ritus divinorum officiorum pro diversitate temporum praescripti. Quae ut integra manerent, vel sapienter et sancte temperarentur f. r. Sixtus V. Apostolica Constitutione »Immensa« sacrorum Rituum Congregationem instituit, cui duplex praecipue demandavit munus, videndi statuendique de iis, quae ad sacros ritus latinae Ecclesiae spectant, et curandi quae ad beatificationem et cano- nizationem Sanctorum referuntur. Quae omnia Nosmet ipsi in Constitutione Nostra »Sapienti consilio« confirmavimus. Quo autem facilius utriusque generis negotia expedirentur, et Consultorum inductus est ordo, praelatorum nempe et theologorum, qui praecipue in singulis causis beatificationis et canon ization is suffragium ferrent super virtutibus, martyrio et miraculis Servorum Dei; et asciti sunt caerimonarum magistri, a quibus sententia exquireretur de iis quae sacros ritus et caerimonias attingunt. Verum exortis quaestionibus et gravibus et arduis circa veteres Ecclesiae ritus et normas a patribus traditas, quibus et divina officia ordinanda sunl et concentus sacer regendus, itemque circa historias Sanctorum, cum caerimoniarum magistri ad omnia haud sufficerent, res ipsa postulavit, ut viri consulerentur rei liturgicae et Christianae antiquitatis specialiter periti: quo factum est ut tres peculiares Commissiones sacrae Congregationi Rituum adiunctae sint, liturgica, historico- liturgica et pro sacro concentu, — de quibus in commemorata modo Constitutione mentionem fecimus — quae tamen essent tamquam externa instrumenta ad investigationem veri, non ipsius Congregationis membra; cum harum commissionum participes numquam in consultorum numerum relati sint. Quod si ad tempus hunc commissionum statum retineri placuit, iam integritas Congregationis exigit, ut illae funditus mutentur, atque ad ipsam roborandam expoliendam- que Congregationem convertantur. Quapropter, in consilium adhibitis aliquot S. R. C. Cardinalibus, nonnulla decernere visum est, quae nunc Motu-pro- prio observanda statuimus, edieirmis.
