A Győri Püspökség Körlevelei, 1913
Tartalomjegyzék
58 septemque quadragenarum semel in die, in unaquaque ex praedictis feriis, lucrari valeant: qui vero praeterea confessi ad S. Synaxim accesserint et ad mentem Summi Pontificis oraverint, plenariam indulgentiam consequi possint. Concessit porro, ut qui novendialibus in honorem eiusdem B. Annae supplicationibus, per preces a competenti auctoritate approbatas, corde saltem contriti, sive ante festum, sive iterum alio per annum tempore, dent operam, singulis piae exercitationis diebus, semel in die, indulgentiam septem annorum totidemque quadragenarum ad- quirere; quo tamen die ex praedictis, vel alio ex octo subsequentibus, ad cuiuslibet arbitrium eligendo, praeterea ad confessionis et communionis sacramenta accesserint, et ad mentem Summi Pontificis oraverint, plenariam lucrari possint. Indulsit tandem, ut praefatas indulgentias, si quis malit, animabus in purgatorio degentibus, per modum suffragii, applicare queat. Prasenti in perpetuum valituro, absque ulla Brevis expeditione. Contrariis non obstantibus quibuscumque — Datum Romae, die 22. Augustii 1912. — A4 Card. Rampolla. t D. Archiep. Seienden., Ads. S. Off. Jaurini, die 5-a Aprilis, 1913. Nr.’3379 RelaticTde emigranti- bus'et immigrantibus exhibenda. S. Congregatio Consistorialis, cui ex SS. D. N. Papae dispositione cura demandata est spirituali fidelium emigrantium bono penitius invigilandi (Litt Cire. 1912. XIV. p. 134. Nr. 7802.), a colligendis, quae rem gravissimam respiciunt, notitiis opus aggreditur. Quare quaestionum schema ad Ordinarios misit aptas opportunasque responsiones petendo. Prima pars quaestionum emigrantes, ulterior immigrantes attinet, eos scilicet, qui ex aliis regionibus ad nostras oras venerunt, quin stabilem commorationem sibi fixerint. I. Quaesita, quae proponuntur de emigrantibus. 1. Dicatur utrum notabilis fidelium emigratio verificetur in ista parochia: quot circiter numerentur emigrati, qui adhuc civitatem in 'loco originis retinent: qui numerus quotannis, habita ratione ultimi quinquennii, emigrare soleat. 2. Quo plerumque se conferunt, tum cum emigrant ad exteras nationes; tum si agatur de emigratione ad alia loca nationis propriae. 3. Agiturne saltem ordinario de emigratione temporanea. 4. Proficiscunturne integrae familiae, an viri et mulieres, pueri et puellae seor- sim uti singuli, an etiam catervatim. 5. Qua de causa emigrant. 6. Adsuntne qui emigrationem ordinant vel etiam impellunt. Qui sint et quo spiritu ducantur, et utrum indifferentes aut etiam contrarii sint, cuilibet adsistentiae religiosae emigrantium 7. An in paroeciis, unde emigrantes in notabili saltem numero solent discedere, parochi solliciti sint, ut hi sacramentis ante discessum reficiantur, eosque salutaribus monitis et opportunis consiliis et libris muniant, ut a perversione praeserventur. An et qualem curam de ipsis habeant etiam in emigrationis loco. 8. Qui ex locis immigrationis in patriam redeunt, quales sint fide et moribus. Utrum paroeciae et oppida ex emigratione dispendia moralia et religiosa patiantur. Redeuntes ex emigratione iam passi in fide dispendium, an plerumque ad fidem et ad officia religiosa redeant, an non. 9. Si quod consilium habeatur in bonum praesertim morale et religiosum emigrantium, si quod opus suscipi utiliter
