A Győri Püspökség Körlevelei, 1913
Tartalomjegyzék
XVII. Nr. 8936 Pium opus .A Suffragio Sacerdotali* erigitur in Archisodalitatem cum facultate ubique aggregandi. Pius PP. X. Ad futuram rei memoriam. — Eximiae caritatis opus, iam inde a sex et viginti annis Neapoli erectum ac Franciscali Sodalitio commissum, quo sacerdotes morientibus colle- igis adsunt, et iis praesertim qui ex hoc saeculo migraverint, caelestem pacem ad- precantur, Pontificiae benevolentiae testimoniis dignum profecto existimamus. Laeto enim accepimus animo frugiferum huiusmodi Institutum, iam nunc in multas dioeceses progressum, ingenti numero sodales complecti, qui omnes defunctis presbyteris sive die sexto Februarii quotannis ex praescripto parentant, sive etiam alia religionis opera pro eorum animis conficiunt. Quo factum est, ut Nos ipsi pium hoc opus, non secus ac rec. me. Leo XIII decessor Noster, peculiaribus gratiis prosecuti simus, illudque novo potioreque titulo cohonestandum esse libentes censeremus. Humiles igitur preces a dilecto filio huius Consociationis conditore ac moderatore Nobis porrectas propensa excipimus voluntate, et pium memoratum opus, quod »a Suffragio Sacerdotali« dicunt, atque in Neapolitana civitate canonice erectum exsistit, praesentium tenore, Apostolica auctoritate Nostra, in Archisodalitatem cum solitis privilegiis perpehium in modum evehi-i mus atque instituimus, certa spe freti illud maiora in Domino incrementa suscepturum. Huius autem Archisodalitatis sic erectae officialibus ac sodalibus praesentibus et futuris, ut ipsi alias quaslibet sodalitates cognomines atque eiusdem instituti ubique terrarum exsistentes, servata tamen forma Constitutionis Clementis PP. VIII decessoris Nostri »Quaecumque a Sede Apostolién« aliisque Apostoli- cis ordinationibus desuper editis, aggregare, et cum illis omnes et singulas indulgentias, peccatorum remissiones ac poenitentiarum relaxationes ipsi Sodalitati ab Apostolica Sede concessas, vel ei, ita in Archisodalitatem nunc a Nobis erectae, in posterum concedendas, et quae aliis impertiri queant, communicare licite possint ac valeant, eadem auctoritate Nostra, praesentium tenore, concedimus ac largimur. Decernentes has Nostras Litteras semper firmas, validas, efficaces exsistere et fore, suosque plenarios et integros effectus sortiri et obtinere, iliisque ad quos spectat et in posterum' spectabit, in omnibus et per omnia plenissime suffragari; sicque in praemissis per quoscumque iudices ordinarios et delegatos iudicari et definiri debere, atque irritum esse et inane si secus super his a quoquam, quavis auctoritate, scienter vel ignorenter contigerit attentari. Non obstantibus contrariis quibuscumque. Datum Romae apud sanctum Petrum, sub annulo Piscatoris, die x. Ianuarii MDCCCCXIII, Pontificatus Nostri anno decimo. R. Card. Merry Del Val, a Secretis Status. L. f S. Jaurini, die 5-a Novembris 1913.
