A Győri Püspökség Körlevelei, 1911
Tartalomjegyzék
38 Nr. 2804. Partialis indulgentia perpetua pro Sociis Archi- sodalitatis ab Infante Jesu ubique terrarum. R. Et clamor meus ad te veniat. V. Dominus vobiscum. R. Et cum spiritu tuo. "• Orem us. Adesto, Domine, supplicationibus nostris: et quibus in Tuo nomine* sacro habitus imposuimus, ita benej-dicere digneris, ut Tuae gratiae cooporantes vitam consequi mereantur aeternam. Per Christum Dominum nostrum. R. Amen. Benedictio Dei omnipotentis Patri, et Filii, -j- et Spiritus Sancti descendat super vos et maneat semper. R. Arnen. Formula recitetur numero singulari, si uni tantum personae sint scapularia imponenda. Jaurini, die 25-a Maii 1911. Pius PP. X. Ad perpetuam rei memoriam. Quum Nostrum subit animum grata ac iucunda Infantis Jesu memoria, talis haec recordatio ineuntis aetatis laetitiam renovat, germanamque fidem in Augustum Dominicae Incarnationis Mysterium excitat et fovet. Quare devotionem erga Puerum Jesu magis ac magis in dies in Christiano populo provehere, salutare ac frugiferum consilium Nobis videtur, ideo- que Archisodalitatem a Divo Infante Bethlemi canonice institutam, quae sibi eundem finem proponit amplificandi inter fideles erga Divinum Infantem pietatem, iam per similes Litteras Nostras peculiaribus privilegiis donavimus atque auximus. Nunc autem cum eiusdem Moderator Nos enixis precibus adierit, ut sodalibus piam in honorem Divini Pueri iaculatoriam precem recitantibus, de thesauro Ecclesiae partialem indulgentiam largiri, de Apostolica benignitate dignemur, Nos votis his annuendum ultro libenterque existimamus. Quamobrem de Omnipotentis Dei misericordia ac BB. Petri et Pauli App. Eius auctoritate confisi, omnibus et singulis fidelibus ex utroque sexu, in Archisodalitatem ab Infante Jesu Bethlemi institutam, sive in praesens adlectis, sive in posterum perpetuo, rite, in universo terrarum orbe adle- gendis, qui corde saltem contriti, quovis idiomate, dummodo versio fidelis sit, hanc iaculatoriam precem devote recitent, quae latiné audit „Dulcissime Puer Jesu miserere nobis“ quoties id agant, toties de numero poenalium dierum, in forma Ecclesiae consueta, trecentos expungimus. Insuper largimur fidelibus iisdem si malint liceat, hac partiali indulgentia vita functorum labes poenasque expiare. Contrariis non obstantibus quibuscumque. Praesentibus perpetuis futuris temporibus valituris. Volumus autem, ut praesentium litterarum transumptis seu exemplis etiam impressis, manu alicuius notarii publici subscriptis, et sigillo personae in ecclesiastica dignitate constitutae munitis, eadem prorsus fides adhibeatur, quae adhiberetur ipsis praesentibus, si forent exhibitae vel ostensae. Datum Romae apud S. Petrum, sub annulo Piscatoris, die XXV. Februarii MCMXI, Pontificatus Nostri anno octavo (L S.) R. Card. Merry del Val, a Secretis Status. Jaurini, die 25-a Maii 1911.
