A Győri Püspökség Körlevelei, 1911
Tartalomjegyzék
37 Orem us. Domine Jesu Christe, omnium caput Fidelium et humani generis Salvator, qui tegmen nostrae mortalitatis induere dignatus es; obsecramus inmensam largitatis Tuae abundantiam, ut indumenta haec in obsequium Sanctissimae Trinitatis instituta, nec non in honorem Beatissimae Virginis Matris Tuae sub titulo Imacu" latae Conceptionis, Septem Dolorum et Montis Carmeli, ita bene-j-dicere et sancti-}-- ficare digneris, ut qui (vel quae) assumpserint, eadem Genitrice tua intercedente, Te quoque Salutare nostrum corpore et anima induere mereantur: Qui vivis et regnas in saecula saeculorum. R. Arnen. (Sacerdos aspergat aqua benedicta.) Modus induendi. Sacerdos omnibus scapularia singillatim imponat, ac deinde formulam proferat super omnes simul. I. Accipite habitum Ordinis Sanctissimae Trinitatis in fidei, spei et chari- tatis augmentum, ut induatis novum hominem, qui secundum Deum creatus est in iustitia et sanctitate. II. Accipite scapulare Passionis Domini Nostri Jesu Christi, ut, veterem hominem exuti novumque induti, ipsum digne perferatis et ad vitam perveniatis sempiternam. III. Accipite scapulare devotorum Beatae Mariae Virginis sine labe conceptae, ut eius intercessione ab omni inquinamento mundati, ad vitam perveniatis aeternam. IV. Accipite habitum Servorum Beatae Mariae Virginis Septem Dolores eius devote recolentium, ut dolores ipsos assidue recogitantes, Passionem Domini Nostri Jesu Christi in corde et corpore vestro impressam iugiter teneatis. V. Accipite habitum Societatis et Confraternitatis Beatae Mariae Virginis de Monte Carmelo, precantes eamdem sanctissimam Virginem, ut eius meritis» illum perferatis sine macula et vos ab omni adversitate defendat atque ad vitam perducat aeternam. Ego ex facultate Apostolica mihi delegata, recipio vos in participationem bonorum spiritualium horum Ordinum, seu Congregationum, et indulgentiarum, quae per Sanctae Sedis Apostolicae privilegia praedictis scapularibus concessae sunt. In nomine Patris, et Filii, -j- et Spiritus Sancti. Arnen. V. Salvos fac servos tuos. R. Deus meus sperantes in Te. V. Mitte eis auxilium de Sancto. R. Et de Sion tuere eos. V. Esto eis, Domine, turris fortitudinis. R. A facie inimici. V. Nihil proficiat inimicus in eis. R. Et filius iniquitatis non apponat nocere eis. V. Domine exaudi orationem meam.
